Politike

Reportazhet e RAI 3/ Rama sulmon sërish Opozitën dhe Arben Ahmetajn: Vesi del me shpirtin

Po ashtu Rama thekson se vesi del me shpirtin, por u ka bërë thirrje qytetarëve që të mos i ndjekin më. 

6 Qershor 2024, 19:32 Nga I.A
Reportazhet e RAI 3/ Rama sulmon sërish Opozitën dhe Arben Ahmetajn:
Edi Rama

TIRANË- Kryeministri Edi Rama ka përmendur dhe një herë personat që u morën në intervistë apo u përmendën nga investigimi i emisionit Report në RAI 3, në lidhje me lidhjet e krimit të qeverinë e tij. Me anë të një postimi në X, Rama ka theksuar se autorët e rikthimit të identitetit të opozitës në Parlament, ishin një kriminel italian i dënuar 17 vjet nga drejtësia shqiptare, një ish-zv.kryeministër i arratisur dhe një ish-kryeministër në arrest shtëpie. Po ashtu Rama thekson se vesi del me shpirtin, por u ka bërë thirrje qytetarëve që të mos i ndjekin më. 

Postimi i Plotë:

Cilët ishin autorët e rikthimit kaq të shpejtë në identitet të opozitës sot në parlament? Një kriminel italian i dënuar 17 vjet nga drejtësia shqiptare; Një ish-zv.kryeministër i arratisur për t’i ikur drejtësisë; Një ish-kryeministër në arrest shtëpie me vendim të drejtësisë; Një ish-prokuror i përjashtuar nga sistemi i drejtësisë për mosjustifikim pasurie; Një program në RAI3 që i shfaqi të lartpërmendurit si heronj pozitivë të një bashkëprodhimi italo-shqiptar, me baltë të eksportuar në Itali nga kanalet e ujrave të zeza politike e mediatike të Tiranës. Vesi del me shpirtin, por shpirtit të së keqes që po del me të çjerra nga jeta e këtij vendi pasi e persekutoi këtë vend qysh prej vitit 1912, kjo lojë balte e rradhës me emrin e Shqipërisë i duhet futur në llogaritë që do të bëhen në zgjedhjet e afërta. Mos i falni më, duhen shkatërruar përfundimisht me votë! Shqipëria ka kry punë me ta dhe nuk ndalet dot më nga askush.

edi rama

Sondazh

Poll

MË SHUMË