Aktualitet

DETAJE nga vrasja e recepsionistit në Dhërmi, autori dhëndri i pronares së biznesit, gjenden gjurmë gjaku në dhomat e hotelit

Janë sekuestruar pamjet e kamerave të sigurisë për të bërë të mundur zbardhjen e plotë të ngjarjes, ndërkohë kanë nisur hetimet edhe për kapjen dhe lokalizimin e autorit I cili dyshohet se është larguar drejt Greqisë.

6 Qershor 2024, 17:06 Nga B.Z
DETAJE nga vrasja e recepsionistit në Dhërmi, autori dhëndri i
Foto ilustruese

DHËRMI - Detaje të reja tronditëse kanë dalë në dritë nga ngjarja e rëndë që ka ndodhur në Dhërmi ku 43-vjeçari Gerald Shehu ka vrarë me armë zjarrin recepsionistin e një hoteli të identifikuar si Eraldo Nevruzi 31-vjeç.

Mësohet se ngjarja ka ndodhur në hotelin e njohur si “Greccia” dhe sipas burimeve paraprake autori i krimit është dhëndri i pronares së hotelit. Pak më parë u raportua se recepsionisti ishte marrë peng nga Shehu por burime bëjnë me dije se në një nga dhomat e hotelit janë gjetur gjurmë gjaku dhe dyshohet se krimi ka ndodhur brenda hotelit.

Por ende nuk është konfirmuar zyrtarisht nga policia nisur edhe nga fakti që trupi i viktimës ende nuk është gjetur. Janë sekuestruar pamjet e kamerave të sigurisë për të bërë të mundur zbardhjen e plotë të ngjarjes, ndërkohë kanë nisur hetimet edhe për kapjen dhe lokalizimin e autorit i cili dyshohet se është larguar drejt Greqisë.

dhermi vrasje

Sondazh

Poll

MË SHUMË