Sport

Trajneri i axurrëve zbulon gjendjen e Barellas pas ndeshjes me Turqinë!

Trajneri italian ka në dispozicion 29 futbollistë dhe tre prej tyre do të duhet t’i kthejë në shtëpi më 9 qershor, kur të dorëzojë listën përfundimtare në UEFA, por në konferencën për shtyp nuk ka dhënë orientime mbi ata që nuk do t’ia dalin të shkojnë në Gjermani.

6 Qershor 2024, 00:41 Nga DOSJA
Trajneri i axurrëve zbulon gjendjen e Barellas pas ndeshjes me

ITALI - Italia do të shkojë në Gjermani pa emra si Acerbi e Scalvini, të cilët u dëmtuan së fundi, teksa në dyshim është edhe mesfushori i Interit, Nicolo Barella, i cili mungoi në miqësoren ndaj Turqisë për shkak të një problemi fizik. Trajneri Luciano Spalletti qetësoi tifozët italianë, duke dhënë garanci për Barellën, teksa zbuloi edhe më shumë detaje për gjendjen e tij fizike.

“Unë u besoj mjekëve dhe ata janë të sigurt që Barella do të rikuperohet për të qenë gati që në ndeshjen e parë të Europianit. Është shumë i rëndësishëm për ne, pasi luan prej disa vitesh titullar, por duhet të shohim ditë pas dite ecurinë e rikuperimit”, u shpreh Spalletti.

Trajneri italian ka në dispozicion 29 futbollistë dhe tre prej tyre do të duhet t’i kthejë në shtëpi më 9 qershor, kur të dorëzojë listën përfundimtare në UEFA, por në konferencën për shtyp nuk ka dhënë orientime mbi ata që nuk do t’ia dalin të shkojnë në Gjermani.

“Kam ende dyshime për listën finale, ndaj do të shfrytëzoj të gjithë kohën që kam në dispozicion për të marrë vendimet e mia. Gjithsecili është maksimalisht i angazhuar dhe ofron zgjidhje të ndryshme në fushë, ndaj do të analizojmë mirë të gjithë futbollistët para se të vendosim. Mund t’u them se Folorunsho më pëlqen shumë, pasi ka goditje të mirë nga distanca dhe për më tepër njeh mirë zonën në goditjet standarde, aty ku vendosen shumë ndeshje”, u shpreh Spalletti.

Italia do ta nisë rrugëtimin e saj në Gjermani pikërisht me ndeshjen ndaj Shqipërisë në “Signal Iduna park” të Dortmundit, mbrëmjen e 15 qershorit…

B.T (Dosja.al)

Sondazh

Poll

MË SHUMË