Bota

VIDEO/ Djali i kongresmenit amerikan bëhet viral me mimikat gjatë fjalimit të babait të tij në Dhomën e Përfaqësuesve

59-vjeçari republikan, filloi fjalimin e tij duke komentuar shpalljen fajtor të ish-Presidentit Donald Trump më 30 maj në gjyqin e tij penal në Manhattan, ku ai u dënua për 34 akuza të krimit në lidhje me të dhënat e falsifikuara të biznesit.

5 Qershor 2024, 07:41 Nga r.ll
VIDEO/ Djali i kongresmenit amerikan bëhet viral me mimikat gjatë
pamje nga fjalimi

SHBA- Republikani John Rose nuk do të mbajë kurrë një fjalim më të paharrueshëm në Dhomën e Përfaqësuesve, dhe kjo nuk është për shkak të atyre që ai tha.  Ndërsa kongresmeni republikan mbante fjalën e tij të hënën, më 3 qershor, djali i tij 6-vjeçar, Guy, "vodhi" shfaqjen me disa mimika që bënte në fytyrë.

59-vjeçari republikan, filloi fjalimin e tij duke komentuar shpalljen fajtor të ish-Presidentit Donald Trump më 30 maj në gjyqin e tij penal në Manhattan, ku ai u dënua për 34 akuza të krimit në lidhje me të dhënat e falsifikuara të biznesit. Por ndërsa Rose fliste, djali i tij – i cili ishte ulur menjëherë pas tij – filloi të buzëqeshte për kamerën, më pas duke bërë mimika deri sa mori vëmendjen e kamerës. 

Paraqitja e shkurtër e Guy në C-SPAN u bë menjëherë virale, madje u bë edhe meme. Një përdorues në X e quajti C-SPAN "kanali më i madh i të gjitha kohërave". Një përdorues tjetër bëri shaka se Guy "Nuk ka nevojë për trajnime për media".

Republikani Rose e mori me pozitivitet pantomimat e djalit të tij. "Kjo është ajo që unë i them djalit tim Guy që të buzëqeshë në kamera për vëllain e tij të vogël," postoi ai në "X" pas videos virale. Sipas mediave amerikane, Guy mbaroi kopshtin e fëmijëve javën e kaluar dhe po kalonte kohë me babanë e tij, kështu që erdhi në Capitol Hill.

john rose dhoma e perfaqesuesve

Sondazh

Poll

MË SHUMË