Bota

Rusia sulmon gjatë natës, Ukraina rrëzon 22 prej 27 dronëve

Sulmi dëmtoi një objekt industrial dhe plagosi një person në rajonin e Poltava, tha guvernatori Filip Pronin, në Telegram.

5 Qershor 2024, 08:09 Nga M.B
Rusia sulmon gjatë natës, Ukraina rrëzon 22 prej 27 dronëve
Kundërajrorët ukrainas e shkatërrojnë një dron Shahed gjatë një sulmi rus në Kiev më 2023. Fotografi nga arkivi.

UKRAINA- Forca Ajrore ukrainase tha se i ka rrëzuar 22 nga 27 dronët e tipit Shahed me të cilët Rusia i sulmoi pesë rajone të Ukrainës gjatë natës. Sulmi dëmtoi një objekt industrial dhe plagosi një person në rajonin e Poltava, tha guvernatori Filip Pronin, në Telegram. Ushtria ukrainase shkatërroi gjashtë dronë mbi rajonin jugor të Mykolaiv, tha guvernatori.

Ai shtoi se nuk u raportua për viktima, veçse u shkatërrua një shtëpi private dhe u dëmtuan rreth dhjetë të tjera. Katër dronë u rrëzuan mbi rajonin jugor të Hersonit dhe katër të tjerë mbi rajonin qendror të Dnipropetrovsk, thanë guvernatorët e rajoneve. Sulmi shënjestroi gjithashtu rajonin verior të Sumit, pa detaje të dëmeve të raportuara nga autoritetet rajonale.

Rusia i ka rritur bombardimet kundër infrastrukturës energjetike civile në Ukrainë prej muajit mars, duke ia shkatërruar shumicën e kapaciteteve të termocentraleve dhe hidrocentraleve. Si pasojë, ka pasur reduktime të rrymës dhe import të energjisë elektrike në sasi rekorde./ REL

lufta rusi-ukraine

Sondazh

Poll

MË SHUMË