Sport

Jack Grealish, dilema e madhe e Anglisë për “Euro 2024”

Gareth Southgate thotë se nuk ka marrë ende një vendim, nëse anësori i Manchester City do të jetë apo jo i pranishëm në Eurokupë.

3 Qershor 2024, 10:30 Nga DOSJA

Jack Grealish, dilema e madhe e Anglisë për “Euro 2024”

ANGLI - Trajneri i Anglisë, Gareth Southgate, është ende duke peshuar opsionet sulmuese për skuadrën e tij në “Euro 2024” dhe tha, se ndërsa Jack Grealish nuk ka luajtur aq shumë sa do të kishte dashur këtë sezon për Manchester Cityn, ai është ende në garë për të bërë këtë.

Marcus Rashford u la jashtë skuadrës së përkohshme me 33 lojtarë për Gjermaninë dhe është folur se Grealish mund të jetë emri tjetër i madh që do të largohet, me Southgate të kushtëzuar me uljen e skuadrës në 26 lojtarë deri më 7 qershor.

Grealish ka luajtur vetëm 20 ndeshje në Premierligë për Manchester City këtë sezon, duke shënuar tre gola dhe nuk luajti as në humbjen në finalen e Kupës FA ndaj Manchester United muajin e kaluar.

I pyetur nëse Grealish rrezikonte të përjashtohej nga “Euro 2024”, Southgate tha: "Unë nuk mendoj se jemi duke e finalizuar ende. Ajo që dimë është se ku duam të jemi. Unë nuk kam folur me të në mënyrë specifike për “Euro 2024”, por ai ka qenë i shkëlqyer dhe i pëlqen këtu”.

Trajneri pranoi se "ai nuk ka luajtur shumë këtë sezon. Jam i sigurt se do të kishte dashur të ishte ndryshe, por ne i dimë cilësitë që ai mund të sjellë. Ai është një lojtar që na pëlqen".

Southgate shtoi se ka ende kohë që lojtarët të ndryshojnë mendje në miqësoret kundër Bosnje-Hercegovinës dhe Islandës këtë javë. James Maddison, Eberechi Eze, Cole Palmer dhe Jarrod Bowen po kërkojnë një vend në ekip dhe Southgate tha se nuk kishte vendosur se sa lojtarë sulmues do t'i duheshin.

B.T (Dosja.al)