Sport

Loja e shkëlqyer e Courtois nxit debatin për mungesën e tij në “Euro 2024”: Çfarë ka ndodhur mes portierit dhe trajnerit?

Trajneri i Belgjikës, Domenico Tedesco, ka dhënë një listë me 25 lojtarë dhe ka lënë të hapur mundësinë që të thërrasë edhe një lojtar tjetër, por me gjasa kjo do të jetë për portierin e Real Madridit.

2 Qershor 2024, 16:00 Nga DOSJA

Loja e shkëlqyer e Courtois nxit debatin për mungesën e tij

BELGJIKE - “Informacioni i fundit që kemi është se ai nuk është gati për Euro2024”. Ishte shprehja e trajnerit të Belgjikës, Domenico Tedesco, për të justifikuar mungesën e portierit Thibaut Courtois në listën e skuadrës për Evropianin 2024 në Gjermani.

Duke parë lojën e shkëlqyer që portieri bëri në finalen e Champions League mes Real Madrid dhe Borussia Dortmund (2-0), sidomos në pjesën e parë, askush nuk do ta thoshte këtë. Ishte e qartë se Courtois i ka kapërcyer problemet e dëmtimeve që ka pasur këtë sezon. Ai kishte treguar tashmë një nivel të mirë në katër ndeshjet e mëparshme, në të cilat nuk kishte pësuar gol.

Fakti është, se nëse nuk do të ketë një kthesë të paparashikuar, Gjermania do të mbetet pa e parë atë, që shumë e konsiderojnë si portierin më të mirë në botë. Dhe kjo kthesë e supozuar mund të ndodhë vetëm nëse protagonistët bëjnë paqe dhe Tedesco vendos t'i japë Courtois vendin e fundit (ai ka grumbulluar 25 në vend të 26), që ai vetë kujtoi se e kishte lënë të hapur deri më 7 qershor.

Historia e mosmarrëveshjes

Gjithsesi duket mjaft e pamundur që të jetë për portierin. Por... Çfarë ndodhi mes tyre?Mosmarrëveshja daton në qershor 2023, gjatë dritares së kombëtares, në të cilën Belgjika u përball me Austrinë dhe Estoninë në ndeshjet kualifikuese për Kampionatin Evropian. Courtois u largua nga grumbullimi duke përmendur probleme fizike, por arsyeja dukej se ishte një tjetër.

Sipas versionit të trajnerit, portieri i Real Madridit është larguar i zemëruar pas një bisede me të, pasi nuk ka pranuar që në ndeshjen kundër austriakeve, ai donte të ishte kapiten në vend të Lukakut. Më pas, Tedesco siguroi se kështu ishte marrë vesh, që Lukaku do të mbante shiritin në krah në atë ndeshje dhe Courtois do ta bënte këtë në ndeshjen e radhës kundër estonezëve.

Fakti që trajneri zbuloi këtë bisedë private mes tyre, e tërboi Courtois, i cili lëshoi ​​një deklaratë të ashpër kundër trajnerit. Ai gjithashtu deklaroi në dhjetor se nuk do të shkonte në Eurokupë. "Për shkak të këtij dëmtimi, nuk do të ketë një “Euro2024” për mua. 

Së pari duhet të rikuperohem 100% dhe më mirë të mos caktoj një datë. Nëse jam me fat, do të mund të luaj një ndeshje në maj. Por unë nuk do të jetë kurrë 100% i përgatitur për një turne të madh si Euro2024”, tha ai.

Thibaut ishte shumë i qartë në komunikimin e tij disa muaj më parë. Ai e njeh trupin e tij, nuk ndihet i përgatitur për të garuar në një kompeticion të këtij intensiteti me ndeshje çdo tre apo katër ditë. “Ky është informacioni i fundit që ne marrim parasysh,- tha ai. - Ne do të duhet të presim për ngjarjet këtë javë”.

B.T (Dosja.al)

Sondazh

Poll

Sport 2 Qershor 2024, 15:00

Dortmundi do të gjobitet nga UEFA...

Sabitzer bëri një lojë shumë të mirë, por nuk mjaftoi ZVICER - Borussia Dortmund jo vetëm që iu afrua fit...

MË SHUMË