Politike

Dhunimi i avokatit Mëngjesi/ Berisha: Rama lehtësoi akuzat për aktin kriminal! Autorëve iu është premtuar shpërblim

Berisha godhi sërish akuza se pas sulmit fshihet kryeministri Rama. Sipas Berishës, Rama ka lehtësuar akuzat për autorët e dyshuar të sulmit, dhe sipas tij autorëve u kishte premtuar shpërblim.

1 Qershor 2024, 20:40 Nga B.Z
Dhunimi i avokatit Mëngjesi/ Berisha: Rama lehtësoi akuzat për
Sali Berisha

TIRANË - Ish kryeministri, Sali Berisha ka sjellë sërish në vëmendje dhunimin e avokatit Sokol Mëngjesi ngjarje e ndodhur pak ditë më parë në ambjentet e një kopshti privat në zonën e ish-Bllokut në Tiranë. Gjatë fjalës së tij në tubimin e përditshëm qytetar, Berisha hodhi sërish akuza se pas sulmit fshihet kryeministri Rama. Sipas Berishës, Rama ka lehtësuar akuzat për autorët e dyshuar të sulmit, dhe sipas tij autorëve u kishte premtuar shpërblim.

Pjëse nga fjala e Berishës:

Të dashur miq, sot avokati i të vërtetave që tmerruan Edi Ramën, profesor Sokol Mëngjesi vazhdon betejën e tij për jetën në gjendje kritike.
Sot Edi Rama urdhëroi mercenarët e tij të lehtësojnë aktin makabër kriminal qeveritar ndaj profesor Mëngjesit. Duke marrë përsipër edhe njëherë autorësinë e sponsorit të këtij krimi shtetëror të shëmtuar. Të dashur miq, sot doresi u paraqit në gjykatë bashkë me mikun, që thotë e bëra për miqësi këtë krim të shëmtuar.

Ju keni dëgjuar rëndom për vrasës me pagesë, kjo qeveri përdor vrasës dhe të burgosur me pagesë. Po miq, po, po! Shkoni merrni dosjen Alizoti. Alizotit për mashtrimin iu premtuan dy vite burg dhe 100 mijë euro shpërblim për dy vite burg. Po kështu doresi që u dorëzua, i janë premtuar mundet 50 mijë, mundet 100 mijë euro për vite burgu. Kurse tre të tjerë janë në drejtim të paditur. Ky është në gjithçka një krim shtetëror.

Sot lehtësuan akuzën, nesër një pretekst tjetër. Atij që i është i përzier pa diskutim që hiqet sikur nuk di gjë, Dritan Nanos i thonë mos prano.
Këtij që e goditi, ranë dakord që të bëjë ca burg, por natyrisht me shpërblim. Pushtet krimi ky, pushtet i shëmtuar.
Dhe jo që mbroni Edi Ramën, çfarë shpirti, çfarë zemre keni ju? Nuk paska sot mijëra çështje nga më të ndryshmet, kurse profesor Mëngjesi kishte një kontratë të firmosur nga pala fituese se do kishte një shpërblim për punën e bërë. Asgjë tjetër, asnjë pronë të veten. Ai po merrte atë që i takonte me kontratë.

edi rama sali berisha sokol mengjesi

Sondazh

Poll

MË SHUMË