Sport

Carlo Ancelotti tregon episodin e flirtimit me gruan e tij të tretë…

Carlo Ancelotti orët e fundit ka folur për tema intime në emisionin El Chiringuito. Duke treguar në veçanti se si e joshi gruan e tij.

31 Maj 2024, 13:36 Nga DOSJA
Carlo Ancelotti tregon episodin e flirtimit me gruan e tij të

SPANJE - Këtë të shtunë, Carlo Ancelotti do të luajë në finalen e Champions League me Real Madrid kundër Dortmundit. Por së shpejti vjen edhe një tjetër ngjarje e madhe. Jo prezantimi i Kylian Mbappé, por një moment historik edhe më i rëndësishëm në nivel privat.

Menaxheri italian thjesht do të festojë 10-vjetorin e martesës me Mariann Barrena McClay, kanadezen me të cilën u martua në Vankuver.

Menjëherë ai shpalli martesën!

Orët e fundit, Carlo Ancelotti, i cili zakonisht tregohet shumë i matur për jetën e tij jashtë futbollit, ka rrëfyer në një intervistë për emisionin ‘El Chiringuito’ se si u njoh dhe më pas joshi gruan e tij. Një moment ku Ancelotti u tregua veçanërisht me iniciativë!

“E takova gruan time në Londër. Kur e takova për herë të parë, i thashë: "Ti mund të mendosh se jam i çmendur, por një ditë unë dhe ti do të martohemi,”- qeshi dukshëm si i frymëzuar trajneri italian në iniciativën e tij romantike, ashtu si edhe në zgjedhjet e tij taktike.

Ancelotti ka dy fëmijë: një vajzë, Katia; dhe një djalë, Davide, i cili ishte ndihmës trajneri i tij në Everton, dhe tani edhe në Real Madrid. Në vitin 2008, Ancelotti konfirmoi në një intervistë se ai ishte ndarë me gruan e tij prej 25 vitesh, Luisa Gibellini.

Më pas ai u takua me rumunen Marina Crețu. Në vitin 2011, u njoftua se ai po takohej me biznesmenen kanadeze Mariann Barrena McClay. Ancelotti dhe Barrena McClay u martuan në Vankuver në korrik 2014.

B.T (Dosja.al)

Sondazh

Poll

MË SHUMË