Sport

Terziç: “Gjithçka mund të ndodhë në një ndeshje, vetëm duhet të besoni në të”

Trajneri i Borussia Dortmundit: “Ancelotti është një nga trajnerët më të mirë në historinë e futbollit”

30 Maj 2024, 14:59 Nga DOSJA

GJERMANI - Trajneri i Borussia Dortmundit, Edin Terzic, foli gjatë ditës për mediat e UEFA-s për ekipin e tij përpara finales së Ligës së Kampionëve, të shtunën në ‘Wembley’ kundër Real Madridit.

"E jona është me të vërtetë një histori e pabesueshme. Nuk dua të flas shumë për të, sepse ne, si skuadër, kemi bërë diçka të pabesueshme, - shpjegoi ai pa fshehur pak emocion. - Arritja në finalen e Champions League është diçka që meriton për t'u thënë".

Ai tha fjalë të ëmbla edhe për kolegun e tij Carlo Ancelotti, por edhe dëshira për të befasuar të gjithë: “Ancelotti ka fituar shumë, ka përvojë të madhe, por edhe ai u gjend në situatën time, 5 ditë para finales së parë dhe fitores së parë të Champions League.

Kam respekt të madh për Ancelottin, ai ka fituar shumë dhe me skuadra të ndryshme: ai është një nga trajnerët më të mirë në historinë e futbollit, çdo gjë mund të ndodhë në një ndeshje të vetme, vetëm duhet të besosh në të”.

Për Terzicin, të stërvitësh Dortmundin është një ëndërr dhe të kalosh në finalen e Champions League është një emocion i papërshkrueshëm.

"Kam qenë trajner i të rinjve, ndihmës trajner i Dortmundit, por para së gjithash jam tifoz, - përfundoi ai, - si të gjithë ata që fillojnë të punojnë në botën e futbollit. Tani jam trajner i ekipit të parë të Borussia Dortmundit. Jam i lumtur dhe krenar që shkoj dhe luaj në finalen e Champions League me ekipin tim”.

B.T (Dosja.al)