Sport

Fullkrug i kënaq të gjithë: "Rudiger gjithmonë duket se dëshiron të të vrasë. Kroos? Shpresoj të fitojë “Euro 2024”...

“Ai është një lider i natyrshëm, më pëlqen të luaj kundër këtij lloji kundërshtari”

29 Maj 2024, 15:10 Nga DOSJA
Fullkrug i kënaq të gjithë: "Rudiger gjithmonë duket se

GJERMANI - Toni Rudiger është lojtari qendërmbrojtës i Real Madridit. Këtë e di mirë bashkëkombasi i tij Niclas Fullkrug, që luan me Borussia Dortmund, i cili të shtunën është gati t'ia bëjë të vështirë ndeshjen më të rëndësishme, finalen e Champions League që do të luhet në Wembley:

"Ai është një djalë i mirë, e dua, më pëlqen, sepse ai është shumë i sinqertë, edhe nëse është agresiv, ai është një lider i natyrshëm, më pëlqen të luaj kundër këtij lloji kundërshtari”,- tha ai në intervistën e gjatë të publikuar nga Marca.

Jeni të impresionuar nga 14 Kupat e Europës të fituara nga Reali?
"Mund të thuhet se është skuadra më e fortë në botë, me një histori gjigante, por pikërisht kjo e bën këtë finale më tërheqëse. Të gjithë duan t’i luajnë këto ndeshje. Do të jetë një finale e bukur, perfekte, në një përballje historike në stadium."

Reus do të largohet nga Dortmundi dhe Kroos do të tërhiqet.
"Dy karriera të pabesueshme, dy legjenda. Të dy e meritojnë të fitojnë. Dhe normalisht do t'ju thosha se Kroos e meriton Champions League, sepse për mua ai është një nga lojtarët më të mirë në histori. Por këtë herë shpresoj që Marco të fitojë."

Pra, a do të nënshkruanit që Ligën e Kampionëve ta merrte Reus dhe Topin e Artë Kroos?
“Ajo që do të firmosja do të ishte Liga e Kampionëve për Reusin dhe Kampionati Europian për Kroos, kështu që do të fitonin të dy tituj (qesh)”.

B.T (Dosja.al)

Sondazh

Poll

MË SHUMË