Bota

Volker Türk dënon sulmin e tmerrshëm izraelit në Rafah

Ndërkohë ka reaguar edhe Shtëpia e Bardhë duke e quajtur sulmin në Rafah zemërthyes ndërsa thekson vdekjen e liderëve të Hamasit 

27 Maj 2024, 19:24 Nga E. D
Volker Türk dënon sulmin e tmerrshëm izraelit në Rafah
foto ilustruese

GAZA- Komisioneri i Lartë i Kombeve të Bashkuara për të Drejtat e Njeriut, Volker Türk, ka dënuar sulmin e tmerrshëm të Izraelit në një kamp ku strehohen personat e zhvendosur në Rafah të dielën. 

“Imazhet nga kampi janë të tmerrshme dhe nuk tregojnë ndonjë ndryshim të dukshëm në metodat dhe mjetet e luftës të përdorura nga Izraeli, të cilat tashmë kanë çuar në kaq shumë vdekje civile”, tha Türk në një deklaratë.

Ai i bëri thirrje Izraelit që t'i bindet urdhrit të Gjykatës Ndërkombëtare të Drejtësisë javën e kaluar dhe të ndalojë plotësisht ofensivën e tij tokësore në Rafah. Gjithashtu u bëri thirrje grupeve të armatosura palestineze që të ndalojnë lëshimin e raketave pa dallim drejt Izraelit në shkelje të qartë të ligjit ndërkombëtar humanitar dhe të lirojnë të gjithë pengjet e mbajtur në Gaza menjëherë.  

Ndërkohë ka reaguar edhe Shtëpia e Bardhë duke e quajtur sulmin në Rafah zemërthyes ndërsa thekson vdekjen e liderëve të Hamasit 

“Imazhet shkatërruese pas sulmit të IDF në Rafah mbrëmë që vranë dhjetëra palestinezë të pafajshëm janë zemërthyese. Izraeli ka të drejtë të ndjekë Hamasin dhe ne e kuptojmë se ky sulm vrau dy terroristë të lartë të Hamasit, të cilët janë përgjegjës për sulmet kundër civilëve izraelitë. Por siç e kemi qenë të qartë, Izraeli duhet të marrë çdo masë paraprake të mundshme për të mbrojtur civilët," thuhet në deklaratën e Shtëpisë së Bardhë. 

Nga sulmi të paktën 45 njerëz u vranë dhe 200 u plagosën në një kamp për njerëzit e zhvendosur në  Rafah  të dielën, sipas autoriteteve të Gazës. Ushtria izraelite pretendoi se goditi një kompleks të Hamasit në zonë, duke vrarë dy zyrtarë të lartë  të grupit militant.

lufta ne lindjen e mesme

Sondazh

Poll

MË SHUMË