Politike

Vizita e Cameron në Shqipëri/ Media britanike: Udhëtoi me charter. Shpërdoroi 60 mijë € për 89 minuta

Në artikullin e "Mirror" shkruhet se Shqipëria i bëri një pritje madhështore sekretarit me flamur sindikatash të vendosura në rrugë dhe një foto trekatëshe të tij të mbështjellë në një ndërtesë, por ky i fundit qëndroi vetëm, 89 minuta dhe u largua sërish drejt Britanisë në një mbledhje urgjente të kabinetit.

25 Maj 2024, 18:15 Nga B.Z
Vizita e Cameron në Shqipëri/ Media britanike: Udhëtoi me
David Cameron kur zbret nga avioni në Shqipëri

SHBA - Sekretari i Jashtëm i Britanisë së Madhe, David Cameron zhvilloi një vizitë zyrtare javën që lam pas në Shqipëri, në qendër të së cilës ishte emigrimi i paligjshëm dhe lufta kundër korrupsionit dhe krimit të organizuar në vend.

Vizita e Sekretarit britanik, është komentuar edhe nga mediat e huaja, të cilat shkruajnë se Cameron shpërdoroi 60,000 £ për të fluturuar drejt Shqipërisë me avion privat luksoz, për një vizitë që zgjati rreth 1 orë e 30 minuta.

Në artikullin e "Mirror" shkruhet se Shqipëria i bëri një pritje madhështore sekretarit me flamur sindikatash të vendosura në rrugë dhe një foto trekatëshe të tij të mbështjellë në një ndërtesë, por ky i fundit qëndroi vetëm, 89 minuta dhe u largua sërish drejt Britanisë në një mbledhje urgjente të kabinetit.

Vizita e Cameron në Shqipëri/ Media britanike: Udhëtoi me
Foto e Cameron

Sipas artikullit, Prokurorja e Përgjithshme Shadow e Laburistëve, Emily Thornberry e ka quajtur udhëtimin me avion privat si një shpërdorim të taksapaguesve, dhe largimin në një kohë aq të shkurtër të Cameron si arrogancë dhe mungesë respekti ndaj Shqipërisë.

 “Kjo përmbledh shumë nga ajo që nuk është në rregull me këtë qeveri: shpërdorimin grotesk të parave të taksapaguesve të shpenzuara për të marrë me qira një tjetër avion privat luksoz; kaosi i pabesueshëm për t'u kthyer me nxitim në Londër pas më pak se dy orësh në Shqipëri; dhe arrogancën e plotë të trajtimit të një aleati të rëndësishëm të NATO-s me një mungesë respekti të tillë",- është shprehur Thornberry.

Artikulli përfundon duke përmendur asetet e shtrenjta të avionit dhe ka ndarë pamje nga brenda tij, teksa thekson se të gjitha këto shpenzime janë në kurriz të tatimpaguesve vendas.

"Tatimpaguesit do të paguajnë koston marramendëse prej 8,600 £ në orë për marrjen me qira të avionit luksoz, i cili përmban ndenjëse prej lëkure prej pelushi për deri në trembëdhjetë pasagjerë - ose shtretër të sheshtë për pesë - Wi-Fi në bord, një luajtës blu-ray dhe një galeri e pajisur plotësisht me furrë, mikrovalë dhe aparat kafeje",- përfundon artikulli.

Vizita e Cameron në Shqipëri/ Media britanike: Udhëtoi me
Pamje nga avioni

david cameron vizite shqiperi britani

Sondazh

Poll

MË SHUMË