Sport

“Leo Messi te Inter Miami? Ende nuk mund ta besoj”

Beckham tregon se procesi filloi katër/pesë vjet më parë, kur iu afrua babait të argjentinasit: “Dua të nënshkruaj me djalin tënd, e di që nuk do të vijë tani, por dua ta sjell në Miami”.

23 Maj 2024, 19:00 Nga DOSJA

“Leo Messi te Inter Miami? Ende nuk mund ta besoj”

SHBA - David Beckham, pronar i Inter Miami, ka rrëfyer se nuk e priste që Lionel Messi të pranonte të luante për klubin amerikan, në një kohë kur kishte oferta edhe nga Arabia Saudite.

“Ishte vizioni im që nga dita e parë. Kur prezantova ekipin dhe u përpoqa të bashkoja simbolin dhe ngjyrat, rrëshqitja e fundit e prezantimit me krijuesit ishte një foto e Messit të veshur me fanelën e Inter Miami. Ëndrra ime ishte gjithmonë ta sillja atë në ekipin tonë”, filloi ai duke thënë në podcastin SmartLess.

“Ende nuk mund ta besoj. Sa herë që dikush më thotë 'Ke Messin në ekipin tënd' është surreale. Të thuash që ne kemi ndoshta lojtarin më të mirë që ka luajtur ndonjëherë këtë sport, lojtarin më të suksesshëm në këtë sport dhe ai po luan për Inter Miami, në MLS, është e pabesueshme”,- theksoi ai.

Procesi nuk ishte i lehtë: “U desh shumë, ne e filluam procesin katër-pesë vjet para se të vinte ai. Shkova në hotelin e babait të tij dhe i thashë "Dua të nënshkruaj me djalin tënd, e di që ai nuk do të vijë tani, por në një moment do të dua ta sjell në Miami".

“Shumë lojtarë donin të shkonin në Arabinë Saudite dhe ai kishte shumë oferta, padyshim. Por ai është shumë inteligjent, ai e di madhësinë e tregut të Amerikës së Veriut, mundësitë që ekzistojnë. Dhe besoj se ai pa edhe jetën që unë, fëmijët dhe gruaja ime patëm në Los Anxhelos. Ishte vendimi i tij”, shtoi Beckham.

B.T (Dosja.al)

Sondazh

Poll

MË SHUMË