Bota

Masakra e Vushtrrisë/ Osmani: Serbia u përpoq t’i fsheh gjurmët e krimit

Gjithashtu Presidentja Osmani ka shtuar se gjurmët e krimit u përpoqën t'i fshehin, teksa trupat e shumicës së të vrarëve u gjetën në varrezën masive në Batajnicë të Serbisë.

22 Maj 2024, 21:15 Nga E. D
Masakra e Vushtrrisë/ Osmani: Serbia u përpoq t’i fsheh
Vjosa Osmani

KOSOVË- Presidentja e Kosovës, Vjosa Osmani ka kujuar 25-vjetorin e masakrës në qytetin e Vushtrrisë. Osmani ka shkruar se më 22 maj 1999, regjimi gjenocidal i Serbisë tentoi t'i shfarosë banorët shqiptarë në rrugën Abdullah Shabani, në Vushtrri.

“Pasi që dëboi banorët me dhunë nga shtëpitë e tyre, 68 prej tyre, në mesin e të cilëve fëmijë e të moshuar, i mbajti peng në shtëpinë e Kahriman Pasomës dhe pas torturave mizore i vranë. Banorë të tjerë, regjimi kriminal serb i tuboi në sallën e sportit dhe në burgun e Smrekonicës, ku pas torturave dhe plaçkitjes i dëboi dhunshëm për në Shqipëri”, ka shkruar Osmani.

Gjithashtu Presidentja Osmani ka shtuar se gjurmët e krimit u përpoqën t'i fshehin, teksa trupat e shumicës së të vrarëve u gjetën në varrezën masive në Batajnicë të Serbisë.

“Drejtësia për viktimat e masakrës së Vushtrrisë, sikurse edhe për të gjitha viktimat e masakrave të tjera në gjithë Kosovën, është e domosdoshme dhe përkushtim i vazhdueshëm. Qoftë i përhershëm kujtimi për martirët e Vushtrrisë dhe të gjithë të rënët për liri”, u shpreh Osmani.

vjosa osmani

Sondazh

Poll

MË SHUMË