Bota

Autoritetet lajmërojnë masa kundër demonstratave, turma njerëzish mblidhen në Teheran përpara funeralit të presidentit iranian

Ceremonia do të fillojë me Udhëheqësin Suprem të Iranit, Ayatollah Ali Khamenei, i cili do të udhëheqë lutjet në kryeqytet, përpara se arkivolët e veshur me flamurin iranian të futen në sheshin kryesor të qytetit Azadi

22 Maj 2024, 08:17 Nga r.ll
Autoritetet lajmërojnë masa kundër demonstratave, turma
pamje nga teherani

IRAN- Turma të mëdha njerëzish kanë nisur të mblidhen në kryeqytetin iranian Teheran për ceremoninë kryesore të varrimit të presidentit të ndjerë të vendit Ebrahim Raisi. Ai humbi jetën së bashku me ministrin e Jashtëm Hossein Amir-Abdollahian dhe gjashtë zyrtarë në një aksident me helikopter të dielën pranë kufirit me Azerbajxhanin.

Ceremonia do të fillojë me Udhëheqësin Suprem të Iranit, Ayatollah Ali Khamenei, i cili do të udhëheqë lutjet në kryeqytet, përpara se arkivolët e veshur me flamurin iranian të futen në sheshin kryesor të qytetit Azadi. Autoritetet kanë paralajmëruar masa kundër demonstratave kundër procesionit funeral dhe fyerjeve të postuara në internet. Në të gjithë kryeqytetin, pankarta të mëdha janë ngritur duke përshëndetur Raisin si "dëshmor i shërbimit", ndërsa të tjerë i dhanë "lamtumirën shërbëtorit të të pafavorizuarve".

Disa banorë në Teheran morën mesazhe që u kërkonin të merrnin pjesë në ceremonitë e së mërkurës, raportoi agjencia e lajmeve AFP. Pamjet e transmetuara nga televizioni shtetëror treguan rrugë të mbushura me vajtues, shumë prej të cilëve mbanin fotografi të zotit Raisi ose flamurin iranian. Një pjesë e vogël e personaliteteve të huaja pritet të marrin pjesë në procedurë.

Ritet e funeralit për burrat filluan të martën në qytetin e Tabrizit dhe qendrën klerikale shiite të Qom, ku mijëra vajtues të veshur me të zeza morën pjesë në ceremoni. Pas procesionit të së mërkurës në kryeqytet, eshtrat e zotit Raisi do të zhvendosen në provincën e Khorasanit të Jugut, përpara se të transferohen në qytetin e tij të lindjes, Mashhad, në verilindje.

Ai do të varroset të enjten në mbrëmje në qytet pas riteve të varrimit në faltoren e Imam Rizait. Në vend është shpallur pesë ditë zie kombëtare. Raisi ishte një figurë shumë përçarëse në Iran. Në vitet 1980, ai mbikëqyri ekzekutimet e shumë aktivistëve të opozitës ndërsa punonte si prokuror. Dhe filloi një goditje brutale kundër demonstruesve të zemëruar nga vrasja e Mahsa Amini. 22-vjeçarja vdiq tre ditë pasi u ndalua nga policia e moralit në kryeqytet për shkeljen e dyshuar të rregullave strikte të Iranit që u kërkonin grave të mbulonin flokët me një hixhab ose shami. Por këndvështrimi i tij ultra-konservator fitoi favorin e mbështetësve të regjimit dhe Raisi shihej si një pasardhës i mundshëm i Ajatollah Khameneit.

funerali i ebrahim raisi teheran

Sondazh

Poll

MË SHUMË