Bota

VIDEO/ E pazakontë në Algjeri, 45-vjeçari gjendet në bodrumin e fqinjit pas 30 vitesh i zhdukur, rrëmbyesi i kishte bërë magji

Omar Bin Omran u zhduk nga Djelfa në Algjeri kur ishte vetëm 17 vjeç.

16 Maj 2024, 15:23 Nga S.B
VIDEO/ E pazakontë në Algjeri, 45-vjeçari gjendet në
Omar

ALGJERI- Pamjet që po bëjnë xhiron e rrjetit i përkasin një burri i cili u “rrëmbye” si adoleshent gati 30 vjet më parë dhe u gjet në bodrumin e shtëpisë së një fqinji së fundmi. Omar Bin Omran u zhduk nga Djelfa në Algjeri kur ishte vetëm 17 vjeç.

Raportet pohuan se bodrumi ishte një pus i mbuluar në një fermë delesh dhe se Omari ishte mbajtur nën kashtë. Zyrtarët konfirmuan se arrestuan 61-vjeçarin e dyshuar se e mbajti Omarin të burgosur për 27 vjet.

Prokurorët publikë në Djelfa thanë në një deklaratë: Zyra e Prokurorit të Përgjithshëm të Djelfës informon publikun se më 12 maj në orën 20:00 me orën lokale gjeti viktimën Omar B, 45 vjeç, në bodrumin e fqinjit të tij, B.A., 61 vjeç.

I dyshuari mendohet se jeton vetëm dhe punon si nëpunës civil. Pas lajmeve për arrestimin e të dyshuarit, familja e Omar kujtoi se si qeni i adoleshentit priti në pragun e rrëmbyesit të tij të dyshuar për ca kohë pasi Omar u zhduk - para se edhe qeni të zhdukej.

Një fqinj tjetër i tha stacionit televiziv algjerian Bilad: Nëna e gjorë (e Omarit) vdiq ndërsa ai ishte në robëri, pa e ditur se çfarë i kishte ndodhur, pa e ditur se gjatë gjithë kësaj kohe ai ishte vërtet pranë saj.

Zyrtarët premtuan se autori i këtij krimi të rëndë do të gjykohet “ashpër”. Mediat algjeriane raportuan se viktima nuk ishte në gjendje të thërriste për ndihmë për shkak të një magjie që i kishte bërë rrëmbyesi i dyshuar.

@dailymail Omar Bin Omran was found alive after 26 years of captivity in a neighbor’s house. #algeria #kidnapped #rescued #trapped #saved #found #breaking #breakingnews ♬ Sympathetic Cation - DJ BAI

algjeri rob

Sondazh

Poll

MË SHUMË