Politike

“Shqipëria e madhe mund të ndalet vetëm nga bota jonë”, deklarata e Vulin, Ministria për Europën dhe Punët e Jashtme thërret për sqarime ambasadorin serb

Ministria thotë se deklarata provokuese e zyrtarit serb është në kundërshtim me frymën e marrëdhënieve të bashkëpunimit dhe nuk i shërben paqes dhe stabilitetit në vendet e Ballkanit.

15 Maj 2024, 13:54 Nga M.B
“Shqipëria e madhe mund të ndalet vetëm nga bota
Godina e Ministrisë së Jashtme

TIRANA- Ambasadori i Serbisë, Slobodan Vukçeviç është thirrur dje në Ministrinë për Evropën dhe Punët e Jashtme, ku iu kërkuan sqarime në lidhje me deklaratat që zv. Kryeministri serb Aleksandër Vulin ka bërë, referuar vizitës dhe takimit të Kryeministrit Rama me diasporën shqiptare në Greqi.

Ministria thotë se deklarata provokuese e zyrtarit serb është në kundërshtim me frymën e marrëdhënieve të bashkëpunimit dhe nuk i shërben paqes dhe stabilitetit në vendet e Ballkanit. Po ashtu në deklaratën e ministrisë thuhet se Shqipëria është faktor i rëndësishëm që punon dhe kontribuon për paqen dhe sigurinë në rajonin tonë dhe kjo është në thelb të bashkëpunimit edhe me Serbinë.

"MEPJ pret reflektim të menjëhershëm, në mënyrë që deklarata të tilla të dëmshme, të përsëritura të mos ndikojnë në marrëdhëniet tona, të cilat duhet të jenë të orientuara drejt fqinjësisë së mirë dhe integrimit evropian", thuhet në deklaratë.

“Shqipëria e madhe mund të ndalet vetëm nga serbët dhe bota serbe. Herën tjetër që qeveria e Greqisë të mendojë për njohjen e të ashtuquajturës Kosovë, le të kujtojë se si duket pritja e Edi Ramës në mes të Athinës. Atë që Rama nuk mundi ta përjetonte në Tiranë, e përjetoi në Athinë”, deklaroi zv.kryeministri serb Aleksandër Vulin pas takimit të kryeministrit Edi Rama me emigrantët shqiptarë në Greqi.

ministria e jashtme

Sondazh

Poll

MË SHUMË