Sport

Real Madridi do të luajë me fanelën e parë, pavarësisht se është mysafir në finalen e Champions League në 'Wembley'

UEFA ka bërë publike oraret dhe fanelat e finales së Champions League më 1 qershor

14 Maj 2024, 12:00 Nga DOSJA

Real Madridi do të luajë me fanelën e parë, pavarësisht

ZVICER - Kanë mbetur edhe 18 ditë deri në finalen e madhe në ‘Wembley’ që do të përballet me Borussia Dortmundin dhe Real Madridin për titullin UEFA Champions League 2023-24 dhe pak nga pak po bëhen të ditura disa detaje të festës së madhe të futbollit në kontinentin e vjetër.

UEFA njoftoi sot se të dyja skuadrat do të veshin fanelat e tyre të para në këtë ndeshje: Borussia Dortmund, fanelën klasike të verdhë me mbathje të zeza për lojtarët e fushës dhe portokalli e plotë për portierin; Real Madrid, fanelë dhe mbathje të bardha dhe kompletin jeshil për portierin.

Duhet mbajtur mend se, që nga ‘Séptima’, Real Madrid ka luajtur vetëm dy finale me fanelën mysafire (kundër Valencias në vitin 2000, me të zeza dhe kundër Juventusit në 2017, me ngjyrë vjollce), ndërsa në të tjerat ka përdorur gjithmonë fanelën e bardhë. Në të gjitha ata kanë dolë fitimtarë.

Përveç kësaj, dhe pasi dje u bë publik emërimi nga arbitri i sllovenit Slavko Vinçiç, i cili nuk i ka drejtuar asnjëherë bardhezinjtë në Evropë dhe që ka qenë në krye të ndeshjes ndërmjet Dortmundit dhe Atléticos në ndeshjen e dytë çerekfinale, sot UEFA ka bërë publike oraret e një ditë më parë, të premten, 31 maj, me trajnime dhe konferenca për shtyp.

B.T (Dosja.al)

Sondazh

Poll

MË SHUMË