Aktualitet

Tragjedia e mbytjes së nënës me tre fëmijët dhe tritoli në banesën e gjyqtarit, Drejtori i Policisë Shkodër: Ngjarje të rënda, hetimet vijojnë

Ai theksoi se është ende herët për të folur për rezultatet, por u shpreh se Policia e Shkodrës i ka kapacitetet për të hetuar ngjarje të tilla.

12 Maj 2024, 09:49 Nga M.B
Tragjedia e mbytjes së nënës me tre fëmijët dhe tritoli
Foto ilustruese

SHKODRA- Drejtori i Policisë së Shkodrës, Edmond Sulaj u pyet nga gazetarët, gjatë një konference për shtyp, në lidhje me dy ngjarje të rënda ndodhura në këtë qytet dhe që ende nuk janë të zbardhura, konkretisht për tragjedinë ku nëna Alma Arrazi së bashku me tre fëmijët e mitur u mbyt në lumin Buna, por edhe për tritolin e vendosur pak javë më parë në banesën e gjyqtarit Tonin Sterkaj.

Drejtori tha se të dyja ngjarjet janë të rënda dhe se hetimet vazhdojnë. Ai theksoi se është ende herët për të folur për rezultatet, por u shpreh se Policia e Shkodrës i ka kapacitetet për të hetuar ngjarje të tilla.

“Në këtë ngjarje kemi qenë shumë transparent. Sa i takon të rejave le të lemë grupin hetimor që të vazhdojë hetimet”, tha Sulaj për rastin në familjes Arrazi.

Nga ana tjetër, për tritolin në banesën e gjyqtarit Sterkaj, drejtori i policisë së Shkodrës tha po punohet intensivisht.

“Po punojnë intesivisht. Është herët për të folur për rezultate konkrete, drejtoria e policisë Shkodër i ka kapacitetet profesionale për të hetuar ngjarje të tilla”, tha ai.

policia e shkodres

Sondazh

Poll

MË SHUMË