Bota

Polonia: Akuzon Rusinë për sulme kibernetike

Ditët e fundit, disa vende anëtare të NATO-s kanë akuzuar Rusinë se ka nisur sulme kibernetike kundër tyre, dhe ministri i jashtëm i Polonisë tha se vendi i tij gjithashtu ishte shënjestruar në të kaluarën.

8 Maj 2024, 22:54 Nga E. D

Polonia: Akuzon Rusinë për sulme kibernetike

foto ilustruese

POLONI- Polonia u vu në shënjestër nga hakerat nga një grup i lidhur me Rusinë këtë javë, tha Instituti Kombëtar i Kërkimeve (NASK) i drejtuar nga shteti. Ditët e fundit, disa vende anëtare të NATO-s kanë akuzuar Rusinë se ka nisur sulme kibernetike kundër tyre, dhe ministri i jashtëm i Polonisë tha se vendi i tij gjithashtu ishte shënjestruar në të kaluarën.

"Malware që synonte institucionet qeveritare polake u trafikua këtë javë nga grupi APT28 i lidhur me shërbimet e inteligjencës ruse. Treguesit teknikë dhe ngjashmëritë me sulmet e mëparshme lejuan identifikimin e grupit APT28 (...) Ky grup është i lidhur me Drejtorinë Kryesore të Inteligjencës të Shtabit të Përgjithshëm të Forcave të Armatosura të Federatës Ruse (GRU)", tha NASK në një deklaratë.

Gjithashtu NASK këshilloi administratorët e rrjetit të konstatojnë nëse punonjësit e tyre ishin sulmuar. Ambasada ruse në Varshavë nuk iu përgjigj menjëherë një kërkese për koment mbi këtë çështje.

Po ashtu javën e kaluar Gjermania akuzoi Rusinë për sulme kibernetike ndaj kompanive të mbrojtjes dhe hapësirës ajrore, si dhe Partisë Social Demokratike (SPD) në pushtet. Moska u përgjigj sot se Berlini po përdor mite të pabaza për hakerat rusë për të përshkallëzuar tensionet.

nask