Politike

Inceneratori i Tiranës/ Berisha: Dumani i partisë nuk ka bërë asnjë hetim për zhdukjen e 135 mln eurove nga Rama dhe Veliaj

Në tubimin qytetar që zhvillohet poshtë banesës së tij, Berisha e ka cilësuar rastin si vjedhjen e shekullit, ndërsa shtroi pyetjen se përse Prokuroria e Posaçme, nuk ka nisur asnjë hetim për 135 milionë euro që nuk ekzistojnë.

8 Maj 2024, 20:31 Nga B.Z

 

Inceneratori i Tiranës/ Berisha: Dumani i partisë nuk ka
Sali Berisha

 

TIRANË - Ish-kryministri Sali Berisha, ka akuzuar sërish këtë të mërkurë kryebashkiakun Veliaj se është pronari faktik i inceneratorit të Tiranës, dhe se kryeministri Rama është bashkëpuntor i tij. Në tubimin qytetar që zhvillohet poshtë banesës së tij, Berisha e ka cilësuar rastin si vjedhjen e shekullit, ndërsa shtroi pyetjen se përse Prokuroria e Posaçme, nuk ka nisur asnjë hetim për 135 milionë euro që nuk ekzistojnë.

"Miqtë e mi, vjedhjet e tyre janë makabritet. Ato bazohen në mjerimin e tejskajshëm të dhjetëra dhe qindra familjeve të Tiranës. Por vjedhja e shekullit është vjedhje shekulli. Është 100 përqind dhe shumë më tepër. Të dashur miq, një ditë kryehajni i Tiranës me përfaqësuesit e tij kërkon t’i japë në komision një kompanie 8 pikë në avancë. Por çfarë ishte kjo kompani? Duhet të ndalet çdo qytetar të pyesë veten, çfarë ishte kjo kompani? Kjo kompani nuk ekzistonte e regjistruar në regjistrin e kompanive. Kjo kompani nuk kishte bilanc.

Kjo kompani nuk kishte vendndodhje. Nuk kishte seli. Nuk kishte pronar. Nuk kishte administrator. Dhe megjithatë, ky hajdut i shpërfytyruar zgjedh këtë kompani për t’i dhënë 8 përqind. Po pse kjo? Sepse pronari i saj ishte Erion Veliaj. Sepse selia e saj ishte Bashkia e Tiranës. Sepse bashkëpronari i saj ishte Edi Rama. Prandaj o miq u zgjodh kjo kompani, në vrimat e të zeza të cilës janë zhdukur pa nam e nishan 130 milionë euro. Pronari i saj është Erion Veliaj. Pronari i saj është Edi Rama. Dhe gjer sot, Dumani i partisë nuk ka asnjë hetim për kompaninë që nuk ekzistonte, për bonusin 8 pikësh për 135 milionë euro që nuk ekzistojnë",- tha Berisha.

sali berisha inceneratori i tiranes veliaj rama spak

Sondazh

Poll

MË SHUMË