Art&Argëtim

"Ajo ka nevojë për mjekim"/ Britney Spears konfuzon me sjelljen e saj, psikiatri ngre alarmin: Është e sëmurë rëndë

Spears u vu nën kujdestarinë e babait të saj në shkurt të vitit 2008.

30 Prill 2024, 13:03 Nga S.B
"Ajo ka nevojë për mjekim"/ Britney Spears konfuzon me
Britney Spears

SHBA- Kanë kaluar dy vjet e gjysmë që kur babai i Britney Spears i dha fund kujdestarisë së saj dhe madje edhe ata që festuan vendimin e gjykatës në atë kohë mund të kenë filluar të pyesin veten nëse në fund të fundit ishte gjëja më e mirë për ish-yllin e popit.

Pas fotove dhe videove nudo në Instagram ku këngëtarja 42-vjeçare dukej se lutej për vëmendje, llogaria e saj duke u fshirë dhe thashethemet se ajo ishte në një situatë të keqe mendore dhe financiare, psikiatri Dr. Charles Sophy, foli për TMZ Live, duke paralajmëruar se Britney ka nevojë për mjekim dhe kujdestari të re.

“Edhe pse personi i duhur mund të mos jetë zgjedhur si kujdestar i saj, kujdestaria është vendosur për një arsye dhe ajo duhet të jetë sërish nën kujdestarinë e dikujt”, tha eksperti. "Kur keni një sëmundje mendore kaq të rëndë, keni nevojë për strukturë, mbikëqyrje dhe mbi të gjitha mjekim."

Spears u vu nën kujdestarinë e babait të saj në shkurt të vitit 2008, kur ajo kishte refuzuar t'i jepte kujdestarinë e djemve ish-partnerit të saj, Kevin Federline, dhe ishte shtruar për trajtim në një klinikë psikiatrike. Gjatë kujdestarisë së saj, ajo vazhdoi të publikonte muzikë, megjithëse në vitin 2019 pasoi një tjetër qëndrim në një klinikë psikiatrie.

Megjithatë, ajo që e shqetëson veçanërisht psikiatrin sot është sjellja e saj e paqëndrueshme, shpenzimi i parave, pamaturia e saj, fakti që ajo shkatërron njerëzit përreth saj dhe kjo është jashtë kontrollit në shumë nivele sipas ekspretëve. Madje përflitet se ajo ka shpenzuar mbi 1 milion dollarë në secilin prej udhëtimeve të saj luksoze në Francë dhe tani është në prag të falimentimit.

Por si do të shkojnë gjërat nëse ajo nuk merr ndihmën që i nevojitet?

“Këto situata çojnë në një rrugë pa krye. Ajo ose do të dëmtojë veten ose dikë tjetër ose do të shtrohet në një institucion psikiatrik sërish pasi nuk është në gjendje të kujdeset për veten. Në cilindo nga këto raste asaj do t'i jepen mjekime kundër dëshirës së saj”. përmbyll psikiatri.

britney spears psikiatri

Sondazh

Poll

MË SHUMË