Aktualitet

Pinë alkool dhe rrahën të miturin, procedohen tre të rinjë në Elbasan

Gjithashtu nisi procedimi edhe për kamarierin pasi është konfliktuar fizikisht me një 18-vjeçar jashtë lokalit.

28 Prill 2024, 17:10 Nga E. D
Pinë alkool dhe rrahën të miturin, procedohen tre të
foto ilustruese

ELBASAN- Tre persona të moshave 19 dhe 21-vjeç janë proceduar në Elbasan pasi mrëmjen e djeshme në ambientet e jashtme të një lokali kanë goditur me grushte dhe shkelma një 16-vjeçar për motive të dobëta. Gjithashtu nisi procedimi edhe për kamarierin pasi është konfliktuar fizikisht me një 18-vjeçar jashtë lokalit. Ndërkohë është proceduar edhe pronari i lokalit A.Q, 54 vjeç pasi dyshohet se në ambientet e lokalit të tij kanë konsumuar alkool personat e mitur.

Njoftimi: 

Komisariati i Policisë Elbasan referoi materialet në Prokurori ku nisi procedimi në gjendje të lirë për shtetasit: K. H., 19 vjeç, E. H., 19 vjeç dhe K. P., 21 vjeç, pasi mbrëmjen e djeshme, në ambientet e jashtme të një lokali në lagjen “Qemal Stafa”, për motive të dobëta, kanë goditur me grushte dhe shkelma një 16-vjeçar.
Gjithashtu, nisi procedimi penal për shtetasin H. G., 20 vjeç (kamarier), pasi është konfliktuar fizikisht me një 18-vjeçar, jashtë lokalit.

Në vijim të veprimeve hetimore janë referuar materialet në Prokurori ku nisi procedimi në gjendje të lirë edhe për shtetasin A. Q., 54 vjeç, pronari i lokalit, pasi dyshohet se në ambientet e lokalit të tij, kanë konsumuar alkool shtetasit e mitur. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

policia e elbasanit

Sondazh

Poll

MË SHUMË