Aktualitet

EMRI/ Trafikoi 19 kg heroinë drejt Italisë, arrestohet në Durrës 65-vjeçari i shpallur në kërkim ndërkombëtar

Bëhet me dije se Buçeza është pjesëtar i një organizate kriminale dhe në vitin 2004-2005 ka trafikuar 19 kg heroinë drejt Italisë.

27 Prill 2024, 12:43 Nga S.B
EMRI/ Trafikoi 19 kg heroinë drejt Italisë, arrestohet në
foto ilustruese

DURRËS- Arrestohet provizorisht në Durrës për t’u ekstraduar në Itali 65-vjeçari i shpallur në kërkim ndërkombëtar. Mësohet se Asjan Buçeza alias Hasan Buçeza, 65 vjeç, është dënuar nga Gjykata e Milanos me 23 vite burg për veprat penale si posedimi, shitja dhe trafikimi i lëndëve narkotike.

Bëhet me dije se Buçeza është pjesëtar i një organizate kriminale dhe në vitin 2004-2005 ka trafikuar 19 kg heroinë drejt Italisë. Po bashkëpunohet me shtetin fqinj për ekstradimin e 65-vjeçarit në Itali.

Njoftimi i Policisë:

Durrës/Finalizohet operacioni policor i koduar “Periudha”, për kapjen e një shtetasi të shpallur në kërkim ndërkombëtar, për llogari të Italisë.

Operacioni u zhvillua nga Forca e Posaçme Operacionale Durrës, në zbatim të masave të përcaktuara në planin operacional kombëtar të koduar “Sundimi i ligjit”. 

Arrestohet për t’u ekstraduar në Itali, pjesëtari i një organizate kriminale me veprimtari në fushat e shitjes dhe trafikimit të lëndëve narkotike.

Si rezultat i aksioneve intensive të Policisë, të kryera me qëllim kapjen e shtetasve të shpallur në kërkim, si dhe në bazë të informacioneve të siguruara nga inteligjenca policore dhe të shkëmbyera ndërmjet zyrave homologe të Interpolit, mbi vendndodhjen e një shtetasi të shpallur në kërkim ndërkombëtar, për llogari të Italisë, u organizua dhe u finalizua operacioni policor i koduar “Periudha”.

Gjatë operacionit, u lokalizua, u kap dhe u arrestua provizorisht, për t’u ekstraduar në Itali, shtetasi i shpallur në kërkim ndërkombëtar:

Asjan Buçeza alias Hasan Buçeza, 65 vjeç.

Gjykata e Milanos e ka dënuar këtë shtetas, me 23 vjet burgim, për veprimtaritë kriminale të posedimit, shitjes dhe trafikimit të lëndëve narkotike, të kryera në kuadër të organizatës kriminale.

Nga viti 2004 deri në muajin prill 2005, ky shtetas, në bashkëpunim me shtetas të tjerë, ka trafikuar 19 kilogramë lëndë narkotike heroinë, drejt Italisë.

Interpol Tirana dhe Interpol Roma po bashkëpunojnë për ekstradimin e këtij shtetasi, në Itali

itali heroine organizate kriminale

Sondazh

Poll

MË SHUMË