Aktualitet

EMRI/ I shpallur në kërkim ndërkombëtar për pjesëmarrje në grup kriminal, arrestohet në Durrës 59-vjeçari

I dënuar me 8 vite burg, po punohet për ekstradimin e tij në Itali.

20 Prill 2024, 15:15 Nga S.B
EMRI/ I shpallur në kërkim ndërkombëtar për
foto ilustruese

DURRËS- Arrestohet i shpalluri në kërkim ndërkombëtar Viktor Leki në Durrës. Mësohet se 59-vjeçari është dënuar nga Gjykata e Leçes, Itali për pjesëmarrje në grup kriminal me qëllim trafikimin e narkotikëve.

I dënuar me 8 vite burg, po punohet për ekstradimin e tij në Itali.

Njoftimi i Policisë:

Vijojnë operacionet për kapjen e personave në kërkim ndërkombëtar.

DVP Durrës, si rezultat i shkëmbimit të informacionit mes Interpol Tiranës dhe Interpol Romës, lokalizoi dhe arrestoi, me qëllim ekstradimin në Itali, shtetasin Viktor Leki, 59 vjeç.   

Ky shtetas ishte shpallur në kërkim ndërkombëtar, pasi Gjykata e Leçes, Itali, me vendimin e datës 06.03.2018, e ka dënuar me 8 vjet e 4 muaj burgim, për veprën penale “Pjesëmarrja në grup kriminal, me qëllim trafikimin e narkotikëve".

Vijojnë procedurat për ekstradimin e këtij shtetasi, në Itali.

itali grup kriminal

Sondazh

Poll