Aktualitet

Vrau kunatin se i përdhunonte vajzën, Fatmir Tarellari bën kërkesë të lirohet nga burgu

Tarellari po mbahet në një pavijon të posaçëm të burgjeve të Larisës, jo me të burgosur me dënime të rënda, ndërsa ruan pothuajse çdo ditë kontakte me tre fëmijët e tij.

20 Prill 2024, 13:04 Nga r.ll
Vrau kunatin se i përdhunonte vajzën, Fatmir Tarellari bën
autori dhe viktima

GREQI- Avokatët mbrojtës të 50-vjeçarit Fatmir Tarellari, i cili janarin e kaluar vrau me pushkë kunatin e tij 33-vjeçar për shkak se i kishte përdhunuar vajzën e tijdo të bëjnë kërkesë për lirimin e tij nga burgu. Tarellari po mbahet në një pavijon të posaçëm të burgjeve të Larisës, jo me të burgosur me dënime të rënda, ndërsa ruan pothuajse çdo ditë kontakte me tre fëmijët e tij, shkruan Protothema.  Sipas 50-vjeçarit, dhunimi nga 33-vjeçari, Erjon Pelivani ka ndodhur teksa në dhomën ngjitur ndodhej djali i tij tashmë 9-vjeçar.

“Vajza ime më tregoi se kur u përdhunua nga kunati im, i pranishëm ishte edhe djali im i vogël, i cili tani është nëntë vjeç dhe të cilin kunati e la vetëm në dhomën tjetër, ndërsa mbyllte dhomën, ku ishte me vajzën time”, thuhej në dëshminë e Tarellarit.

Tarellari u vetëdorëzua në polici pasi vrau kunatin e tij, Erjon Pelivani. Ngjarja u regjistrua disa ditë pasi vajza e tij 18-vjeçare i rrëfeu se ishte përdhunuar nga vëllai i njerkës prej vitesh. Ngacmimet ndaj të miturës kishin nisur në moshën 9-vjeçare ndërsa përdhunimet ishin regjistruar në moshën 12 deri ne 14 vjeç. Gjithashtu vajza ishte kërcënuar nga 33-vjeçari sedo te publikonte pamje gjatë akteve nëse ajo nuk i jepte para. Nga shpenzimi dhe kërkimi i parave ndaj familjarëve doli në dritë edhe ngjarja.

50-vjeçari pohoi gjithashtu se vajza e tij arriti në pikën e vetëvrasjes pas asaj që kaloi nga daja i saj 33-vjeçar. Ai theksonte se jetesa është e tij dhe e familjes së tij, djalit të mitur 9 vjeç dhe vajzës së tij e cila është studente në Universitet varen vetëm nga puna e tij, pasi nuk kanë të ardhura të tjera. Një psikiatre që ekzaminoi 18-vjeçaren, para vrasjes së ndodhur më 9 janar, kishte konstatuar se vajza vuan nga stresi post-traumatik, pas vitesh abuzime seksuale të përsëritura përdhunimi dhe shantazhi, ndërsa ajo monitorohet çdo ditë dhe ka nevojë për trajtim të menjëhershëm.

 

 

fatmir tarellari erjon pelivani

Sondazh

Poll

MË SHUMË