Politike

Bardhi kërkoi mocion me debat për Xibrakën, Çuçi: Këto çështje janë ezauruar nga gjykatat dhe komisionet hetimore

Ai u shpreh se nuk mund të diskutonin sot për datën e një mocioni.

15 Prill 2024, 15:26 Nga r.ll
Bardhi kërkoi mocion me debat për Xibrakën, Çuçi:
pamje nga mbledhja

TIRANË- Në mbledhjen e Konferencës së Kryetarëve, kreu i Grupit Parlamentar të Partisë Socialiste, Bledi Çuçi, tha se nuk e mbështesin kërkesën e opozitës për mocion me debat. Sipas tij çështjet për të cilat është kërkuar janë ezauruar nga gjyqësori apo edhe në komisione hetimore parlamentare. Ai u shpreh se nuk mund të diskutonin sot për datën e një mocioni.

"S'kemi si te vendosim sot një datë për mocionin, kur mendojmë se ky mocoion s'duhet zhvilluar fare pasi janë cështje të stër-ezauruara. Nga mënyra si eshte parashtruar kerkesa s'ka vend fare per mocion. Kerkesa e opozites lidhet me ceshtje qe jane gjykuar nga drejtesia madje edhe me vendime të formës se prerë, qe jane ezauruar edhe ne debatet parlamentare dhe komisionet hetimore parlamentare. Nuk mund te ulemi sot te flasim per daten e një mocioni", deklaroi Çuçi.

Kryetari i Grupit Parlamentar të PD-së, Gazment Bardhi kërkoi mocion për çështjen e drogës së kapur në Xibrakë. Bardhi tha se kërkesa për mocion me debat është e drejta e opozitës.

Ju mund të jeni dakord që të mos ekzistoje opozita, por s’e keni në dorë ju. Kërkesa për mocion me debat, është e drejtë e opozitës. Ju folët për çeshtje të ezauruar, por ju kujtoj se laboratori i Xibrakës nuk është çështje e ezauruar. Ka një dosje të veçuar, e cila është sirtar dhe nuk nuk është trajtuar. Raportet ndërkombëtare flasin për një problem të shtuar të trafikut të drogës. Prandaj do duhet të ketë mocion për këtë çështje. Por ju s’keni interes kur folët për grabitje prone, s’keni interes kur folët për ekonominë, s’keni interes kur folët për krimin.", tha Bardhi. 

bledi cuci konferenca e kryetareve 15 prill 2024

Sondazh

Poll

MË SHUMË