Bota

Konfirmon Xhaferi: ​Maqedonia e Veriut mbështet anëtarësimin e Kosovës në KiE

Sipas presidentes Osmani, Maqedonia e Veriut është shtet fqinj dhe njëkohësisht mbështetëse e Kosovës.

15 Prill 2024, 14:30 Nga M.B
Konfirmon Xhaferi: ​Maqedonia e Veriut mbështet anëtarësimin e
Pjesë nga takimi

KOSOVA- Presidentja e Kosovës, Vjosa Osmani ka pritur sot, në kuadër të edicionit të dytë të Forumit për Gratë, Paqen dhe Sigurinë, kryeministrin e Maqedonisë së Veriut, Talat Xhaferi. Sipas presidentes Osmani, Maqedonia e Veriut është shtet fqinj dhe njëkohësisht mbështetëse e Kosovës.

Osmani tha se Kosova llogarit në përkrahjen e mëtejme të Maqedonisë së Veriut në procesin e anëtarësimit në Këshillin e Evropës, në NATO, BE dhe organizata ndërkombëtare. Po ashtu, në prag të votimit në Asamblenë e Përgjithshme të Këshillit të Evropës, kryeministri Xhaferi i shprehu presidentes Osmani mbështetjen e plotë të Maqedonisë së Veriut.

Njoftimi:

Presidentja e Republikës së Kosovës, Vjosa Osmani, në kuadër të edicionit të dytë të Forumit për Gratë, Paqen dhe Sigurinë, ka pritur në takim kryeministrin e Maqedonisë së Veriut, z.Talat Xhaferi. Maqedonia e Veriut, sipas Presidentes Osmani është shtet fqinj dhe njëkohësisht mbështetëse e Kosovës.

Presidentja Osmani tha se Kosova dhe Maqedonia e Veriut mund t’i shkëmbejnë përvojat në procesin e integrimit evropian dhe në të njëjtën kohë shfaqu bindjen se ky shtet do të vazhdojë ta mbështesë Kosovën në rrugën evropiane. Në këtë kontekst, Presidentja tha se Kosova llogaritë në përkrahjen e mëtejme të Maqedonisë së Veriut në procesin e anëtarësimit në Këshillin e Evropës, sikurse edhe në NATO, BE dhe organizata ndërkombëtare.

Në prag të votimit në Asamblenë e Përgjithshme të Këshillit të Evropës, kryeministri Xhaferi, njoftoi Presidenten Osmani se mbështetja e Maqedonisë së Veriut është e plotë. Në këtë takim, ndër të tjera u diskutua edhe për finalizimin e pikave të përbashkëta kufitare përpara fillimit të sezonës verore, sikurse edhe lehtësimin e të bërit biznes.

kosova ne kie

Sondazh

Poll

MË SHUMË