Bota

Knaus optimist se Asambleja e Përgjithshme do të votojë pro anëtarësimit të Kosovës në KiE: Javë e rëndësishme në Strasbourg

Në një video të publikuar në "X" Knaus tha se Kosova ka pritur shumë gjatë këtë moment dhe është inkurajuar nga vota të rëndëishme në Asamblenë e Parisit javë më parë.

14 Prill 2024, 22:47 Nga N.F
Knaus optimist se Asambleja e Përgjithshme do të votojë pro
Gerald Knaus

KOSOVË- Gerald Knaus nga Iniciativa Evropiane për Stabilitet, ka shprehur optimizën për anëtarësimin e Kosovës në Këshillin e Evropës. Ai pohoi se Strasburgun e pret javë e rëndësishme gjatë të cilës do të votohet për anëtarësimin e Kosovës në KiE.

Në një video të publikuar në "X" Knaus tha se Kosova ka pritur shumë gjatë këtë moment dhe është inkurajuar nga vota të rëndëishme në Asamblenë e Parisit javë më parë.

“Javë e rëndësishme në Strasburg, ku Asambleja Parlamentare e Këshillit të Evropës do të votojë për anëtarësimin e Kosovës. Ka arsye për të qenë optimist se demokracia e fundit evropiane që nuk është ende në Këshillin e Evropës do t’i bashkohet së shpejti. Në interes të të drejtave të njeriut të të gjithëve”, shkruan Knaus.

Ai më tej shtoi se anëtarësimi i Kosovës nënkupton mbrojtje për shqiptarët e Kosovës dhe serbët e Kosovës për të pasur qasje në Gjykatën për të Drejtat e Njeriut dhe nënkupton njohje e statusit të demokracisë multietnike.

kosova kie knaus

Sondazh

Poll