Bota

Fëmijëve nën 12-vjeç u ndalohet përdorimi i telefonave/ Dretoresha e shkollës: Po shkëmbejnë ide, po bisedojnë duke përdorur imagjinatën e tyre

Në një qytet irlandez, megjithatë, situata është ndryshe. Pothuajse i gjithë komuniteti prej 22 mijë banorësh në Greystones dhe fshatin fqinj, Delgani, ka vendosur tua ndalojë telefonat fëmijëve nën 12 vjeç jo vetëm në shkolla, por edhe në shtëpi.

11 Prill 2024, 18:16 Nga E. D
Fëmijëve nën 12-vjeç u ndalohet përdorimi i
foto ilustruese

IRLANDË- Të gjithë prindërit e dinë se sa e vështirë është t’i ndalosh fëmijët të mos përdorin celularin dhe shumë hoqën dorë, ngrenë duart duke menduar se beteja është e humbur përgjithmonë. Në një qytet irlandez, megjithatë, situata është ndryshe. Pothuajse i gjithë komuniteti prej 22 mijë banorësh në Greystones dhe fshatin fqinj, Delgani, ka vendosur tua ndalojë telefonat fëmijëve nën 12 vjeç jo vetëm në shkolla, por edhe në shtëpi.

“Kam marrë telefonata nga Australia, erdhën ekipe televizive nga Amerika, Franca, Skandinavia”, tha Rachel Harper, drejtoreshë e Shkollës Kombëtare “Shën Patriku”, e cila drejtoi nismën e pazakontë.

gjithashu Greystones erdhi në qendër të vëmendjes së mediave në mesin e vitit 2023, kur shumica e banorëve ranë dakord të ndalonin fëmijët të përdornin telefonat.

“Kemi pasur një situatë alarmante. Prindërit thanë se fëmijët po nervozoheshin sepse nuk kishin telefona. Çfarë mund të bënin veçse të dorëzoheshin”, tha Harper.

Ajo tregon se gjatë karrierës së saj 12-vjeçare ka parë me sytë e saj sesi teknologjia ndikon tek më të rinjtë.

“Ne nuk lejuam telefona në shkollë. Fillova të dalloja tetëvjeçarët që ishin shumë më të vetëdijshëm. Disa vajza kishin aplikacione për numërimin e kalorive. Fëmijëria e tyre po shkurtohej gjithnjë e më shumë”, pohoi drejtoresha.

Ajo shton se fëmijë të tjerë i treguan asaj për influencuesit që i frymëzojnë, në vend të prindërve të tyre. 

“Një shkollë e futi kufizimin në baza vullnetare dhe mendova se duhet të përfshihemi të gjithë. Unë shkrova një letër dhe u shpjegova prindërve se ne po promovojmë përmirësimin e më të vegjëlve”, shtoi ajo.

Drejtoresha thekson se reagimet kanë qenë të pabesueshme. Jo vetëm që nxënësit e shkollës së saj pushuan së interesuari për telefonat, por trendi u përhap në shtatë shkolla të tjera fillore.

“Fëmijët nuk u kërkonin më prindërve tu blinin celularë, madje disa ua kthenin! Ishte një inkurajim i madh. Ne nuk jemi kundër teknologjisë, ajo është pjesë e jetës sonë. Bëhet fjalë për fëmijët që përgatiten dhe pajisen në mënyrë adekuate për t’u përballur me përgjegjësitë që sjell teknologjia”, shtoi ajo.

Ajo shton se shkolla “Shën Patriku” nuk e refuzon teknologjinë, sepse përdorin tableta në klasa dhe flasin për zhvillimin e vrullshëm. Drejtoresha thotë se me nxënësit po diskutohet për përdorimin e pajisjeve në mënyrë të arsyeshme.

“Ne besojmë se vetëm pasi të mbushin moshën 12 vjeç, ata mund të merren me përgjegjësi me gjërat që sjellin telefonat”, deklaroi drejtoresha.

Drejtoresh tha se pas më pak se një viti, nisma ka sjellë rezultate të shkëlqyera.

“Tani, në vend që të ulen në shesh lojërash duke folur për atë që panë në TikTok, fëmijët po shkëmbejnë ide, po bisedojnë duke përdorur imagjinatën e tyre. Me fjalë të tjera, ata bëjnë atë që fëmijët duhet të bëjnë”, përfundon Rachel Harper.

 

telefonat

Sondazh

Poll

MË SHUMË