Bota

Konferenca me vendet europiane, Zelensky mbërrin në Lituani, pritet të firmoset marrëveshja e dytë e sigurisë brenda ditës

Udhëheqësit nga disa shtete në Evropën Qendrore, duke përfshirë Poloninë, Republikën Çeke dhe Rumaninë, do të marrin pjesë në Samitin e Tre Deteve në Vilnius sot.

11 Prill 2024, 14:45 Nga M.B
Konferenca me vendet europiane, Zelensky mbërrin në Lituani, pritet
Volodymyr Zelensky

VILNIUS- Presidenti ukrainas, Volodymyr Zelensky mbërriti në kryeqytetin e Lituanisë, Vilnius, të enjten për të marrë pjesë në një konferencë dhe për t'u takuar me liderët e disa vendeve të tjera evropiane. Udhëheqësit nga disa shtete në Evropën Qendrore, duke përfshirë Poloninë, Republikën Çeke dhe Rumaninë, do të marrin pjesë në Samitin e Tre Deteve në Vilnius sot.

Zelensky, i cili njoftoi mbërritjen e tij në një postim në platformën 'X', së pari do të takohet me presidentin lituanez Gitanas Nauseda dhe të dy vendet planifikojnë të nënshkruajnë një marrëveshje dypalëshe sigurie. Ai nënshkroi një tjetër marrëveshje sigurie të enjten me Letoninë, e cila u zotua të shpenzojë të paktën 0.25% të prodhimit të saj të brendshëm bruto gjatë 10 viteve me mbrojtjen kibernetike, çminimin dhe teknologjitë pa pilot.

“Detyra kryesore tani për tani është të bëjmë çdo përpjekje për të forcuar sistemin tonë të mbrojtjes ajrore, për të përmbushur nevojat urgjente të Forcave të Mbrojtjes të Ukrainës dhe për të konsoliduar mbështetjen ndërkombëtare në mënyrë që të mund të kapërcejmë terrorin rus”, tha Zelensky.

lufta rusi-ukraine

Sondazh

Poll

MË SHUMË