Aktualitet

Ngjarje e çuditshme në Kapshticë/ 47-vjeçari nuk pranon kontrollin e automjetit, brenda tij nuk u gjet asgjë e jashtëligjshme

Gjatë një kontrolli në vijën e dytë në automjetin e tij nuk është gjendur asnjë send i jashtëligjshëm.

6 Prill 2024, 14:06 Nga S.B
Ngjarje e çuditshme në Kapshticë/ 47-vjeçari nuk pranon
foto ilustruese

KORÇË- Një 47-vjeçar është proceduar penalisht në gjendje të lirë ditën e sotme pasi nuk iu bind urdhrit të Policisë për kontroll. Mësohet se 47-vjeçari me inicialet M.H duke dalë nga kufiri në Kapshticë nuk ka pranuar ti kontrollohej automjeti.

Gjatë një kontrolli në vijën e dytë në automjetin e tij nuk është gjendur asnjë send i jashtëligjshëm. Kësaj sjelljeje të çuditshme nuk i është dhënë ende një shpjegim.

Njoftimi i Policisë: 

Specialistët për Hetimin e Krimeve të Komisariatit të Policisë Devoll referuan materialet në Prokurori ku filloi procedimi penal në gjendje të lirë për shtetasin M. H., 47 vjeç, banues në Bilisht, pasi në dalje të Republikës së Shqipërisë, në Pikën e Kalimit Kufitar Kapshticë, duke drejtuar automjetin tip “Suzuki”, nuk i është bindur urdhrit të punonjësve të policisë, për të ushtruar kontroll në automjetin e tij.

Më pas gjatë kontrollit të kryer në vijën e dytë dhe në skaner, nuk janë gjetur sende të kundërligjshme. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

kapshtice procedim penal

Sondazh

Poll

MË SHUMË