Bota

Cameron: Do të përpiqem të ndikoj te ligjvënësve në SHBA që të mbështesi ndihmën ushtarake ndaj Ukrainës

Kryetari republikan i Dhomës së Përfaqësuesve, Mike Johnson, ka mbajtur 'peng' për muaj të tërë një projektligj që do të siguronte 60 miliardë dollarë ndihmë ushtarake dhe financiare për Ukrainën.

5 Prill 2024, 17:57 Nga M.B

 

Cameron: Do të përpiqem të ndikoj te ligjvënësve
Sekretari i Jashtëm britanik, David Cameron

LONDËR- Sekretari i Jashtëm britanik, David Cameron, do të udhëtojë në Shtetet e Bashkuara javën e ardhshme, ku do t'u kërkojë politikanëve të miratojnë një paketë ndihme ushtarake për Ukrainën. Kryetari republikan i Dhomës së Përfaqësuesve, Mike Johnson, ka mbajtur 'peng' për muaj të tërë një projektligj që do të siguronte 60 miliardë dollarë ndihmë ushtarake dhe financiare për Ukrainën. Cameron tha se do të takohej me Johnson për t'i kërkuar që të kalojë paketën e ndihmës.

"Britania ka paraqitur paratë e saj për Ukrainën këtë vit, po ashtu edhe Bashkimi Evropian. Amerika duhet ta bëjë këtë. Kryetari Johnson mund ta bëjë atë të ndodhë në Kongres. Unë do të shkoj ta takoj atë javën e ardhshme, Ukraina ka nevojë për ato para”, tha Cameron në platformën e mediave sociale X. 

Në shkurt, Cameron u kërkoi ligjvënësve republikanë të mos "tregojnë dobësinë e shfaqur kundër Hitlerit" në vitet 1930, ndërsa ai u bëri thirrje atyre që të miratojnë paketën e financimit për Ukrainën. Marjorie Taylor Greene, një aleate në Dhomën e Përfaqësuesve të kandidatit republikan presidencial Donald Trump që kundërshton ndihmën për Ukrainën, i tha Cameron në atë kohë që të mos ndërhynte në politikën amerikane.

lufta rusi-ukraine

Sondazh

Poll

MË SHUMË