Bota

X i Elon Musk dhuron tik verifikues blu falas për përdoruesit, ndjekësit shfaqen të pakënaqur

Përveç shenjës blu, përdoruesit do të shohin më pak reklama në X.

5 Prill 2024, 16:40 Nga S.B

Elon Musk

SHBA- Rrjeti social X, dikur Twitter, po u jep shenja verifikimi blu përdoruesve të tij më "me ndikim" dhe të njohur. Atyre me më shumë se 2500 ndjekës të verifikuar u janë dhënë veçori premium falas. Përveç shenjës blu, përdoruesit do të shohin më pak reklama në X.

Platforma e mediave sociale gjithashtu njoftoi se po pastronte robotët në mënyrë që njerëzit të vërejnë se numri i ndjekësve po zvogëlohej. Tiku blu fillimisht ishte një mënyrë për të verifikuar që përdoruesit ishin ata që pretendonin se ishin, por ato u bënë një veçori me pagesë pasi Elon Musk bleu faqen.

Megjithatë, sipas mesazheve të marra nga njerëz të cilëve u janë dhënë këto veçori, tani po jepet pa kosto nëse një person është një "anëtar me ndikim i komunitetit".

Ndërkohë, njerëzve me më shumë se 5000 ndjekës të verifikuar u është dhënë akses falas në Premium+, i cili heq pothuajse të gjitha reklamat dhe i rendit tweet-et e tyre edhe më lart kur i përgjigjen një personi tjetër.