Sport

Ecuria e pabesueshme e ‘bëmave’ të vëllait të Xavit në pankinën e Barçës…

Oscar Hernandez, vëllai i Xavit dhe që është pjesë e stafit të tij, po bën një seri të çmendur në stol.

2 Prill 2024, 09:30 Nga DOSJA

Ecuria e pabesueshme e ‘bëmave’ të vëllait të

SPANJE - Lidhjet familjare janë më të pranishme se kurrë në mesin e Hernandezëve. Ndërsa më i vogli, Xavi, aktualisht është trajneri i ekipit të parë, vëllai i tij më i madh Oscar, është ndihmësi i tij besnik.

Si pasojë e gjithë kësaj, kur i pari pezullohet, siç ndodhi mbrëmjen e së shtunës ndaj Las Palmas, është i dyti që ulet në pankinë për të dhënë udhëzime për lojtarët. Dhe siç na kujton ‘As’, tekniku 47-vjeçar shfaq statistika elokuente kur vjen puna për të zëvendësuar vëllain e tij. 

“Oscar Klopp” magjeps në Katalonjë!

Në të vërtetë, në shtatë takime në pankinë, ai që është riemërtuar si “Oscar Klopp”, për shkak të ngjashmërisë fizike me trajnerin e Liverpool-it, ka fituar shtatë herë, një total i dukshëm fitoresh 100%.

Këtë sezon, ai duhej të zëvendësonte katër herë vëllain e tij më të vogël: kundër Cadiz (2-0), kundër Villarreal (4-3), kundër Mallorca (1-0) dhe për rrjedhojë kundër Las Palmas (1-0). Rekordi i tij i përgjithshëm në krye të Barçës është shtatë fitore në shtatë ndeshje me 18 gola të shënuar dhe vetëm tre të pësuar. Mbresëlënëse!

B.T (Dosja.al)

Sondazh

Poll

MË SHUMË