Aktualitet

Përfshihet nga flakët një zonë pyjore në Maliq, era e fortë favorizoi përhapjen e zjarrit, zjarrfikësit vështirësi nga terreni i thyer

Mësohet se sipërfaqe e konsiderueshme me bimësi të ulët është përfshirë nga flakët. Era e cila ka qenë e fortë ka favaorizuar përhapjen me shpejtësi në zonë.

1 Prill 2024, 19:46 Nga N.F
Përfshihet nga flakët një zonë pyjore në Maliq, era e
Pamje nga zjarri

MALIQ- Një zjarr është regjistruar pasditen e sotme në fshatin Lemioniot në Maliq. Mësohet se sipërfaqe e konsiderueshme me bimësi të ulët është përfshirë nga flakët. Era e cila ka qenë e fortë ka favaorizuar përhapjen me shpejtësi në zonë.

Për të shuar zjarrin janë mobilizuarpunonjës të shërbimit pyjor dhe emergjencave civile e banorë të zonës të cilët kanë shkuar në vendngjarje. Terreni i thyer malor i ka vënë në vështirësi punonjësit pasi nuk mund të shkojnë me mjetet e tyre deri te vatrat e zjarrit por po përpiqen të punojnë edhe me mjete rrethanore.

Zjarri është duke u mbajtur nën kontroll, ndërkohë policia po punon për të zbardhur ngjarjen dhe nëse zjarri ka qenë i qëllimshëm ose jo.

maliq zjarr

Sondazh

Poll

MË SHUMË