Aktualitet

Sindikatat greke bllokojnë për dy ditë doganat shqiptare, policia njofton udhëtarët

Njoftohen se dogana e Kavavijës, Tre Urat, Përmet dhe Qafë Botë do të jetë e bllokuar për automjetet, autobusat dhe kamionat, veç këmbësorëve. 

31 Mars 2024, 13:00 Nga h.k
Sindikatat greke bllokojnë për dy ditë doganat shqiptare, policia
Foto ilustruese

SARANDË-Pikat e kalimit kufitar me Greqinë do të jenë të mbyllura për dy ditë me radhë për shkak të grevës nga sindikatat në vendin fqinj.

Sipas një njoftimi zyrtar, mësohet se nuk do të lejohet qarkullimi i automjeteve, autobusëve dhe kamionëve.

Do të lejohen të qarkullojnë vetëm këmbësorët, pa bagazhe, dhe automjetet që do kenë emergjenca shëndetësore.

NJOFTIMI I POLICISË

Qendra e Bashkëpunimit Policor në Greqi, ka njoftuar Policinë e Shtetit, se nga data 02.04.2024, prej orës 05:30, deri më datë 04.04.2024, në orën 05:30, pikat doganore greke në Kakavijë, Tre Urat, Përmet, dhe Qafë Botë, Sarandë, do të jenë të mbyllura për shkak të protestës nga sindikatat greke.  Nuk do të lejohet qarkullimi i automjeteve, autobusëve dhe kamionëve.  Do të lejohen të qarkullojnë vetëm këmbësorët, pa bagazhe, dhe automjetet që do kenë emergjenca shëndetësore.

Në këtë kuadër, të gjithë qytetarët dhe drejtuesit e automjeteve që kanë planifikuar lëvizjen drejt shtetit grek, në këtë periudhë kohore, nëpërmjet pikave të kalimit kufitar Kakavijë, Tre Urat Përmet dhe Qafë Botë Sarandë, të përdorin pikat e tjera të kalimit për në shtetin grek.

Me qëllim moskrijimin e konfuzionit në këto pika kalimi, Policia e Shtetit kërkon mirëkuptimin e qytetarëve dhe të drejtuesve të automjeteve që janë të interesuar për të lëvizur në drejtim të Greqisë, që të ndjekin udhëzimet e Policisë.

Policia e Shtetit është në kontakt të vazhdueshëm me autoritetet policore greke dhe do të ketë njoftime të tjera për çdo ndryshim, si dhe në rast se do të ketë bllokim edhe në pikën e kalimit kufitar Kapshticë.

sarande bllokohen doganat

Sondazh

Poll

Aktualitet 31 Mars 2024, 07:29 h.k

HOROSKOPI I DITËS e diel 31 mars 2024

DASHI Gjatë kësaj fundjave është më mirë të mbani nervat nën kontroll... Argumentet mund të jenë afër....

MË SHUMË