Sport

Kërcënimet me jetë për Di María: "Ajo që i ka ndodhur atij dhe familjes së tij është një fatkeqësi, një katastrofë"...

“Kjo tregon se sa e çmendur është bota”,- thotë Roger Schmidt, trajneri i Benfica-s

29 Mars 2024, 12:00 Nga DOSJA

Kërcënimet me jetë për Di María: "Ajo që i

PORTUGALI - Trajneri i Benfica-s, Roger Schmidt, i cilësoi këtë të enjte, si një "katastrofë" kërcënimet e pësuar në Argjentinë lojtari e tij Ángel Di María dhe familja e tij.

"Ajo që i ndodhi atij dhe familjes së tij, tregon se sa e çmendur është bota. Është një fatkeqësi, një katastrofë, kur diçka e tillë ndodh, prek lojtarin dhe çdo qenie njerëzore," komentoi Schmidt në konferencën për shtyp para ndeshjes së ligës kundër Chaves.

Trajneri i Benfica-s siguroi se ai foli me anësorin e ‘Albiceleste’ për këtë çështje dhe se të gjithë në klub përpiqen ta "mbështesin atë sa më mirë". Di María, 36 vjeç, "është mjaft profesionist dhe me përvojë për të përballuar këtë lloj situate, por është e vështirë dhe e pazakontë,"- tha tekniku gjermani.

Ai shtoi: “Ai po përpiqet të jetojë një jetë normale, por sigurisht që kur diçka e tillë ndodh, ka mendime që ju qëndrojnë në kokë, por ne do të përpiqemi ta mbështesim atë” .

Një mesazh dhe pasojat

Të hënën e kaluar, një automjet dërgoi një mesazh kërcënues në shtëpinë e prindërve të Di Marías në Rosario, vendlindja e futbollistit, duke e paralajmëruar atë për pasojat nëse vendos të kthehej në klubin ku është stërvitur, Rosario Central. Ndërkohë, autoritetet argjentinase njoftuan të mërkurën arrestimin e dy prej atyre që dyshohet se janë përfshirë në këtë ngjarje.

B.T (Dosja.al)

Sondazh

Poll

MË SHUMË