Sport

Leo Messi dhe fundi i karrierës së tij: “Kur të ndiej se është koha e duhur, do ta bëj atë hap pa menduar për moshën time”…

Argjentinasi thotë se ka ndërmend të "vazhdojë të luajë edhe për një kohë"

27 Mars 2024, 12:05 Nga DOSJA
Leo Messi dhe fundi i karrierës së tij: “Kur të ndiej se

SHBA - Lionel Messi ka dhënë një intervistë për ‘Big Time Podcast’ në të cilën ka diskutuar për fundin e karrierës së tij dhe çfarë planifikon të bëjë, pasi të varë këpucët. Në moshën 36-vjeçare, argjentinasi mendon se mund të luajë edhe për pak kohë dhe se këto pyetje nuk janë ende shqetësuese. 

“Në momentin që do të ndiej se nuk i kam më kushtet për të vazhduar performancën, se nuk po kënaqem, ose nuk po i ndihmoj shokët e skuadrës, atëherë do ta di se është koha të dorëzohem. Jam shumë kritik ndaj vetes, e di kur jam mirë, kur jam keq, kur luaj mirë dhe kur luaj keq. Kur ta ndiej se është koha për ta hedhur atë hap, do ta bëj pa menduar për moshën time. Ndihem mirë, do të mundohem gjithmonë të vazhdoj të konkurroj, sepse është ajo që më pëlqen dhe di të bëj”,- filloi ai duke zbuluar. 

Fundi i karrierës së tij ngre pikëpyetje lidhur me atë se çfarë synon të bëjë lojtari i Inter Miami pas hedhjes së këtij hapi. "Nuk e kam menduar akoma, sot mundohem të shijoj ditën, momentet, pa menduar për të ardhmen. Ende nuk kam asgjë të qartë dhe shpresoj të vazhdoj të luaj edhe për një kohë. Kur vjen koha, sigurisht që do të gjej rrugën drejt asaj që dua të më plotësojë dhe atë që më pëlqen dhe për një rol të ri. Në nivel sportiv pata fatin që mund t'i realizoj të gjitha ëndrrat e mia dhe e vërteta është se mundem' mos kërkoni më shumë”, siguroi lojtari.

Në fund të vitit 2022, ylli argjentinas i shtoi listës së tij një tjetër titull, por ky me një shije të veçantë. Argjentina fitoi Kupën e Botës në Katar dhe ky fakt ishte thelbësor që Messi të vazhdonte t'i shërbente ekipit. “Të ishe kampion bote për ne, për familjet tona dhe për të gjithë vendin ishte magjike, do të na qëndrojë për gjithë jetën. Sigurisht që do të isha larguar nga ekipi nëse nuk do të kishim qenë kampionë, por për fat shkuam dhe i dha Argjentinës një tjetër titull”, përfundoi ai.

Sulmuesi i Amerikës së Jugut kujtoi edhe ardhjen e tij në Barcelonë në vitin 2000, kur ishte vetëm 13 vjeç. “Ka qenë e vështirë për mua kur mbërrita në Barcelonë. Isha fëmijë dhe më duhej të përshtatesha me miq të rinj, një vend të ri, një qytet të ri, njerëz të rinj, një shkollë të re. Në fillim ishte e vështirë për mua, por unë mendova se po bëja atë që doja, duke luajtur futboll për një klub të madh dhe kjo më lejoi të vazhdoj përpara. Ata gjithmonë më trajtonin shumë mirë në Barcelonë”, tha ai.

Më në fund, Leo Messi e mbylli temën e klubeve kur foli për largimin e klubit katalanas  te PSG në verën e vitit 2021. “Ndryshimi ishte i vështirë kur shkova te PSG, sepse po bëja shumë mirë te Barcelona dhe mendova se do të qëndroja atje. Nuk isha i përgatitur të largohesha, gjithçka ndodhi shumë shpejt, më duhej të rindërtoja jetën time nga një ditë në tjetrën. Zbulova një ligë tjetër, një klub tjetër, një dhomë zhveshjeje të re. Ishte një ndryshim që nuk e kërkoja dhe prandaj në fillim ishte e vështirë”, përfundoi “Pleshti”.

B.T (Dosja.al

Sondazh

Poll

MË SHUMË