Bota

Britanikja vdes gjatë ndërhyrjes estetike, arrestohet drejtori i klinikës në Spanjë

Ajo ishte dërguar me urgjencë në një spital në Palma, në ishullin e Majorca, ku mbeti në gjendje kome dhe humbi jetën dy javë më vonë më 13 shtator të vitit të shkuar. Gjithashu drejtori 69-vjeçar u kap pas hetimit të nisur nga familja e gruas së paidentifikuar.

26 Mars 2024, 17:23 Nga E. D
Britanikja vdes gjatë ndërhyrjes estetike, arrestohet drejtori i
fotot ilustruese

SPANJË- Policia spanjolle ka ndaluar drejtorin e një klinike private shëndetësore në Majorca pasi një grua e re britanike vdiq dy javë pas operacionit estetik të implanteve të gjoksit. Sipas raportimeve vendase pacientja e re britanike kishte pësuar atak kardiak gjatë ndërhyrjes estetike për të cilën kishte paguar rreth 6,000 euro. 

Ajo ishte dërguar me urgjencë në një spital në Palma, në ishullin e Majorca, ku mbeti në gjendje kome dhe humbi jetën dy javë më vonë më 13 shtator të vitit të shkuar. Gjithashu drejtori 69-vjeçar u kap pas hetimit të nisur nga familja e gruas së paidentifikuar. Po ashtu anestetisti i operacionit është gjithashtu duke u hetuar, por nuk thuhej nëse ishte arrestuar formalisht.

“Policia kombëtare ka arrestuar drejtuesin 69-vjeçar të një klinike në Palma ku praktikonte dhe vetë ndërhyrje, me akuza vrasjeje prej neglizhencës, pas vdekjes së një pacienteje. E reja me origjinë nga Britania kishte kryer ndërhyrjen estetike në klinikën në Palma. Gjatë operacionit, për arsye që janë ende nën hetim, viktima pësoi arrest kardiak dhe u transferua me urgjencë në spitalin universitar Son Espases. Pas shtrimit në kujdes intensiv për dy javë, ajo u nda nga jeta më 13 shtator të vitit të shkuar si rezultat i plagëve të shkaktuara nga ataku kardiak,” tha policia vendase në një deklaratë. 

Policia nuk specifikonte detaje të operacionit por rrjeti vendas ‘Última Hora’ tha se ajo vdiq nga komplikacionet gjatë kirurgjisë së gjoksit, për të cilën ajo kishte paguar 6,000 euro. ‘Última Hora’ përshkruante viktimën si ‘specialiste re marrëdhëniesh me publikun’ që dëshironte të vendosej në Australi pas operacionit.

Ndërsa zyrtarët thonin se mes parregullsive të zbuluara ishte fakti që pacientja nuk ishte informuar për rreziqet e kirurgjisë, ndërsa kishte firmosur dokumentet e pranimit vetëm mëngjesin e ndërhyrjes fatkeqe, të cilat ishin në gjuhën spanjolle, kur familjarët thonë se e ndjera nuk dinte spanjisht.

policia spanjolle

Sondazh

Poll

MË SHUMË