Sport

Barça fërkon duart për Vitor Roque: "Ai mund të kushtojë 200 milionë, ndërkohë që për të tani do të paguhen vetëm 50!"

André Cury, përfaqësues i Vitor Roque, vlerëson muajt e parë të sulmuesit të ri brazilian 19-vjeçar te FC Barcelona.

25 Mars 2024, 10:30 Nga DOSJA

Barça fërkon duart për Vitor Roque: "Ai mund të

SPANJE - André Cury, përfaqësues i Vitor Roque, vlerëson muajt e parë të sulmuesit të ri brazilian 19-vjeçar te FC Barcelona në programin RAC1 'Tu Dirás' dhe përjashtoi mundësinë që talenti brazilian të kalonte në huazim: "Ai është shumë mirë fizikisht dhe shumë i fortë mendërisht, duke pritur për minuta të tëra për ta treguar në fushë. Ai nuk do të largohet si huazim”.

Agjenti i futbollistit nga Timóteo (Minas Gerais) ka dashur të sqarojë edhe paratë që FC Barcelona ka paguar deri tani për klientin e tij, i cili ka nënshkruar për klubin katalanas deri në vitin 2031 për 31 milionë dhe 31 milionë të tjera në variabla dhe ka një klauzolë prej 500 milionë eurosh për t’u larguar.

"Deri më sot, 10 milionë euro kanë dalë nga arkat e FC Barcelona. Në tre apo katër muaj ata kanë paguar 5 dhe tani në shkurt kanë paguar 5 të tjera. Çdo gjashtë muaj duhet të paguajnë 5 milionë deri sa futbollisti të mbushi 31 vjeç", shpjegoi André Cury për paratë që Barça pagoi për 'Tigrinho'. “Është një operacion spektakolar për Barcelonën, do të doja që të gjitha operacionet të ishin kështu”, theksoi ai.

André Cury zbuloi se “për momentin ka një radhë klubesh që do të ishin të gatshëm të nënshkruanin me André Cury për 50 milionë”. Përfaqësuesi i Vitor Roque parashikoi se “nëse ai fillon te Barça në moshën 20-vjeçare, çmimi i tij do të ishte me siguri 200 milionë”.

B.T (Dosja.al)