Bota

Ambasadorja amerikane në Britaninë e Madhe: Rusia nuk do të ndalet nëse fiton luftën në Ukrainë

Duke folur me prezantuesen e Sky News Jane Hartley theksoi se është optimiste se Shtetet e Bashkuara do të ndajnë më shumë fonde për Ukrainë, por pranoi se kushdo që mendon se Rusia do të ndalet pas kësaj, e ka gabim.

25 Mars 2024, 10:16 Nga N.F
Ambasadorja amerikane në Britaninë e Madhe: Rusia nuk do të
Jane Hartley

ANGLI- Ambasadorja amerikane në Britani të Madhe, ka thënë sw fundmi se Rusia nuk do të ndalet nëse fiton luftën në Ukrainë. Duke folur me prezantuesen e Sky News Jane Hartley theksoi se është optimiste se Shtetet e Bashkuara do të ndajnë më shumë fonde për Ukrainë, por pranoi se kushdo që mendon se Rusia do të ndalet pas kësaj, e ka gabim.


“Kam qenë ambasadore në Francë dhe Monako në vitin 2014, e kam parë se çfarë ka ndodhur në Krime. Duhet ta mbështesnim Ukrainën”, shtoi ambasadorja amerikane në Britani të Madhe.

Hartley shtoi se këto janë ditë të vështira pasi u pyet nëse ka ndjerë ndonjë atmosferë pothuajse të krahasueshme me atë që është parë për herë të fundit para Luftës së Dytë Botërore.

“Po bëjmë gjithçka që po mundemi që të sigurohemi që Ukraina të jetë akoma një demokraci e fuqishme dhe që Rusia ta humb këtë luftë”, tha për fund ambasadorja amerikane.

Ambasadorja foli për luftën e Izraelit kundër Hamasit, duke thënë se situata humanitare në Gaza është gjithashtu e tmerrshme.

"Ne besojmë se Izraeli ka të drejtë të mbrojë veten. Ata u sulmuan, ishte një sulm terrorist. Por ne besojmë se si e bëjnë ata është jashtëzakonisht e rëndësishme. Dhe kjo është arsyeja pse ju e shihni Tony Blinken (sekretarin e shtetit) në rajon po aq sa ai është, nuk është vetëm Tony Blinken, është kreu ynë i CIA-s, është Bill Burns, është kaq shumë diplomatë të tjerë tanë.Sepse ajo që ne duam në fund është një situatë ku Izraeli të ndihet i sigurt, ku ka siguri dhe ku mund të arrijmë në një zgjidhje me dy shtete ku Palestina të ketë rritje ekonomike, prosperitet ekonomik, shpresë për të rinjtë e saj. Ne nuk kemi bërë kaq mirë, sinqerisht," tha ajo.

jane hartley ukraine rusi shba

Sondazh

Poll

MË SHUMË