Aktualitet

Sulmi terrorist në Moskë, kryepeshkopi i Shqipërisë i shpreh ngushëllime Patriarkut të Moskës

I njohur si më vdekjeprurësi në dy dekada, organizata xhihadiste ISIS ka marrë përgjegjësinë për sulmin terrorist.

24 Mars 2024, 14:45 Nga r.ll
Sulmi terrorist në Moskë, kryepeshkopi i Shqipërisë i shpreh
anastas janullatos

TIRANË- Kryepeshkopi i Tiranës, Durrësit dhe i gjithë Shqipërisë, Anastas Janullatos ka shprehur ngushëllimet e tij në një letër drejtuar Patriarkut të Moskës, Kirill pas masakrës tragjike në një sallë koncertesh në Moskë, ku mbi 100 persona humbën jetën. I njohur si më vdekjeprurësi në dy dekada, organizata xhihadiste ISIS ka marrë përgjegjësinë për sulmin terrorist.

Në mesazhin e tij, Kryepeshkopi Anastas përcolli simpatinë e thellë për Patriarkun Kirill dhe popullin rus, duke ndarë pikëllimin e tyre dhe duke u lutur për ngushëllim dhe forcë gjatë kësaj periudhe të vështirë.

“Me dhimbje të thellë, kleri dhe laikët e Kishës Ortodokse Autoqefale të Shqipërisë bashkohen në pikëllimin e thellë pas sulmit të tmerrshëm terrorist që rezultoi në humbjen e dhjetëra jetëve dhe la shumë të plagosur, mes tyre edhe fëmijë. Lusim me zjarr që Zoti t'u japë prehje të përjetshme shpirtrave të të ndjerëve, shërim të shpejtë të lënduarve dhe ngushëllim për familjet e tyre të pikëlluara. Ne nuk pushojmë së luturi për fitoren përfundimtare të paqes 'të durueshëm në mundime, besnikë në lutje…'. (Romakëve 12:12). Me dashuri të sinqertë në Krishtin, Shpëtimtarin tonë.”, shkruhet në letrën e tij e kryepeshkopit.

anastas janullatos sulmi terrorist ne moske

Sondazh

Poll

MË SHUMË