Aktualitet

Mbanin armë zjarri dhe municione në banesë, babë e bir në Tiranë përfundojnë në pranga

21- vjeçarit gjatë kontrollit fizik, policia i ka sekuestruar një thikë.

24 Mars 2024, 13:23 Nga r.ll
Mbanin armë zjarri dhe municione në banesë, babë e bir
foto ilustruese

TIRANË- Babë e bir, banues në Vaqarr të Tiranës janë arrestuar pasi akuzohen për armëmbajtje pa leje. 21- vjeçarit gjatë kontrollit fizik, policia i ka sekuestruar një thikë.

Ndërkohë gjatë kontrollit të banesës së babait të tij, gjetën dhe sekuestruan në cilësinë e provës materiale, një armë zjarri dhe sasi municioni luftarak.

NJOFTIMI I POLICISË:

Në zbatim të masave të planit operacional "Sundimi i ligjit", për goditjen e rasteve të armëmbajtjes pa leje, u finalizua operacioni policor i koduar "Home".

Operacioni u zhvillua nga Komisariati i Policisë Nr. 6.

Sekuestrohen një armë zjarri, municion luftarak dhe një mjet prerës thikë, vihen në pranga babë e bir.

Shërbimet e Komisariatit të Policisë Nr. 6 në vijim të zbatimit të masave të caktuara në planin operacional "Sundimi i ligjit", bazuar në informacionet e siguruara për një rast armëmbajtjeje pa leje, kanë organizuar dhe kanë finalizuar operacionin policor të koduar "Home".

Si rezultat i këtij operacioni u bë arrestimi i shtetasve K. H., 21 vjeç, dhe I. H., 42 vjeç, (babë e bir), të dy banues në Vaqarr.

Shtetasit K. H., gjatë kontrollit fizik, shërbimet e Policisë, i gjetën një mjet prerës thikë, dhe në vijim të veprimeve, gjatë kontrollit të banesës së babait të tij, gjetën dhe sekuestruan në cilësinë e provës materiale, një armë zjarri dhe sasi municioni luftarak.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

policia e tiranes

Sondazh

Poll

MË SHUMË