Aktualitet

I vodhi xhiron ditore faturinos së autobusit të linjës “Tiranë-Prishtinë”, arrestohet i riu në Mirditë (EMRI)

Policia sekuestroi paratë vjedhura në cilësinë e provës materiale. Deda akuzohet për veprën penale "Vjedhja me dhunë". 

24 Mars 2024, 11:05 Nga r.ll
I vodhi xhiron ditore faturinos së autobusit të linjës
pamje nga arrestimi

TIRANË-Një 25-vjeçar është arrestuar në Mirditë, pasi i ka vjedhur xhiron ditore faturinos së autobusit të linjës “Tiranë-Prishtinë”. 

Në pranga ka përfunduar Emirjan Deda. Ky i fundit rreth mesnatës kishte goditur në kokë faturinon, i cili denoncoi ngjarjen, dhe i kishte marrë 675 euro.  Policia sekuestroi paratë vjedhura në cilësinë e provës materiale. Deda akuzohet për veprën penale "Vjedhja me dhunë". 

NJOFTIMI I POLICISË:

Operacioni, rezultat i reagimit të menjëhershëm të shërbimeve të Komisariatit të Policisë Mirditë, pas kallëzimit për një rast vjedhjeje rreth mesnatës, në Rrugën e Kombit. I vodhi me dhunë, në rrugë, xhiron ditore, faturinos së autobusit të linjës “Tiranë-Prishtinë”, kapet dhe arrestohet 25-vjeçari Emirjan Deda.

Gjendet dhe sekuestrohet shuma 675 euro që vodhi ky shtetas. Menjëherë pas kallëzimit të një shtetasi 31 vjeç, faturino i autobusit të linjës “Tiranë-Prishtinë”, se rreth mesnatës, një shtetas e kishte goditur në kokë, për t’i marrë çantën e brezit, me para në të, shërbimet e Komisariatit të Policisë Mirditë organizuan punën për të identifikuar dhe arrestuar autorin.

Si rezultat, në kuadër të operacionit policor të koduar “Linja”, shërbimet e Policisë, të mbështetura te informacionet e siguruara nga inteligjenca policore, bënë të mundur identifikimin dhe arrestimin e autorit të dyshuar të rastit, shtetasit E. D., 25 vjeç, banues në Laç. Gjithashtu, u bë e mundur gjetja e shumës së parave të vjedhura me dhunë, 675 €, e cila u sekuestrua në cilësinë e provës materiale. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme, për veprat penale “Vjedhja me dhunë”.

emirjan deda

Sondazh

Poll

MË SHUMË