Bota

Shkroi "Jo luftës" në fletën e votimit, rusja dënohet me gjobë dhe tetë ditë burg

Të tjerët hodhën një votë të pavlefshme duke shkruar në emër të Alexei Navalny, i cili vdiq në burg në shkurt.

20 Mars 2024, 17:00 Nga S.B
Shkroi "Jo luftës" në fletën e votimit, rusja
foto ilustruese

RUSI- Një grua u dënua ditën e sotme me tetë ditë burg nga një gjykatë ruse pasi kishte shkruar "Jo luftës" në fletën e votimit që hodhi në zgjedhjet presidenciale të Rusisë. Kjo grua identiteti i të cilës nuk është bërë i ditur, sipas gjykatës mori një fletë vote dhe shkroi "Jo luftës" në anën e pasme me të kuqe dhe më pas e hodhi në kutinë e votimit.

Gjykata vendosi se e akuzuara në këtë mënyrë dëmtoi pronën shtetërore dhe diskreditoi forcat e armatosura ruse duke i vendosur dhe një gjobë prej 40,000 rubla (rreth 400 euro) dhe tetë ditë paraburgim administrativ.

Vladimir Putin u rizgjodh president i Rusisë të dielën. Mbështetësit e opozitës u shfaqën në të njëjtën kohë, të dielën në mesditë, në qendrat e votimit, duke çuar në radhë të gjata në disa qendra, veçanërisht përpara ambasadave ruse jashtë vendit.

Të tjerët hodhën një votë të pavlefshme duke shkruar në emër të Alexei Navalny, i cili vdiq në burg në shkurt. Sipas OJQ-së OVD-Info, e cila është e specializuar në monitorimin e represionit, 119 persona u arrestuan për aksione të ndryshme protestuese gjatë zgjedhjeve presidenciale ruse.

rusi zgjedhjet ne rusi putin

Sondazh

Poll