Politike

A do t'i rregullojë marrëdhëniet Rama-Trump investimi në Sazan? Grenell: Ky projekt nuk është politik

Grenell tha se ky projekt nuk është politik dhe u shpreh se do të bashkëpunojnë me cilindo udhëheqës që shqiptarët zgjedhin. 

18 Mars 2024, 21:01 Nga r.ll
A do t'i rregullojë marrëdhëniet Rama-Trump investimi
richard grenell

TIRANË- Ambasadori Richard Grenell ka komentuar mbrëmjen e sotme investimin 1 miliardë dollarë në ishullin e Sazanit dhe Zvërnec. 

I ftuar në "Çim Peka LIVE" në Syri TV, Grenell u pyet nëse ky projekt synon rregullimin e marrëdhënieve mes kryeministrit Edi Rama dhe ish-presidentit amerikan, Donald Trump. Dhëndri i këtij të fundit është edhe investitori i projektit në Shqipëri. Grenell tha se ky projekt nuk është politik dhe u shpreh se do të bashkëpunojnë me cilindo udhëheqës që shqiptarët zgjedhin. 

Grenell: Më lejoni të shtoj diçka në atë që besoj. Së pari, unë jam konservator, unë besoj në parimet konservatore dhe dua që sektori privat të ketë mundësitë të bëjë atë që bën ky sektor: të hapë vende pune. Sektori privat e rrit ekonominë, jo qeveria. Qeveria dhe të gjithë aktorët e se majtës ekstreme që besojnë në qeveritë e fuqishme, kanë iluzionin se qeveria hap vende pune, kur përkundrazi, qeveria bëhet pengesë. Populli shqiptar e njeh historinë e tij dhe e di se kur qeveria kontrollon sektorin privat, vijnë vetëm fatkeqësi. Ne duhet të kemi sa më shumë privatizim dhe liri për kapitalistët dhe për ata që besojnë në rritjen ekonomike. Ky projekt konkretisht nuk është projekt i politikës dhe ne do të bashkëpunojmë me cilindo udhëheqës të zgjedhë populli shqiptar. Ne kemi bashkëpunuar edhe me kryeministrin Rama. As politika botërore, as ajo amerikane, dhe as ajo e rajonit nuk kanë ndikuar këtë projekt. Me zhvillimin e këtij projekti i cili do të ekzistojë për dekada, ne do të bashkëpunojmë me cilindo udhëheqës zgjedh populli shqiptar.

richard grenell

Sondazh

Poll

MË SHUMË