Politike

"Nuk largoheshin nga vendi si tani", Berisha: Ne rritëm me 150 përqind pagat e mjekëve dhe infermierëve

Sipas Berishës kjo i motivoi ata të mos largoheshin nga vendi, siç po ndodh sot.

16 Mars 2024, 20:02 Nga r.ll

 

"Nuk largoheshin nga vendi si tani", Berisha: Ne rritëm me 150
sali berisha

 

TIRANË- Kreu i PD-së, Sali Berisha në fjalimin e tij para mbështetësve të mbledhur poshtë banesës mbrëmjen e sotme tha se shërbimi shëndetësor në vitin 2013, nuk ishte ai që meritonin qytetarët, por ishte i pakrahasueshëm me shërbimin e sotëm.

Ai tha se gjatë kohës që ishte në qeveri rriti me 150 përqind rrogën e infermierëve. Sipas Berishës kjo i motivoi ata të mos largoheshin nga vendi, siç po ndodh sot.

PJESË NGA FJALA E BERISHËS: 

Sonte unë do sjell në vëmendjen tuaj një shërbim që është jetik për çdo shqiptar, për çdo të moshuar, për çdo të sapolindur, për çdo fëmijë, për çdo nënë, për çdo të sëmurë. Shërbimin shëndetësor. Unë nuk pretendoj dhe nuk them se në vitin 2013 ishte shërbimi shëndetësor që meritonin qytetarët. Por e them me shifra dhe fakte të vërteta se ishte i pakrahasueshëm me shërbimin e sotëm.

Miqtë e mi. Ishte i pakrahasueshëm se ato taksa tuaja, ato të ardhura tuaja që u përdorën për shëndetësinë, shkuan së pari për të rritur me 150 përqind rrogën e infermierëve. Në vitin 2005, infermierja merrte 150 mijë lekë. Për të rritur me 150 përqind rrogën e mjekëve, të cilët paguheshin me rroga qesharake.

Kjo i motivoi infermieret tona, kjo i motivoi mjekët tanë. Ata nuk largoheshin siç ikin sot. Jo se ato ishin rroga të larta, por se ato ishin rroga që rriteshin çdo vit. Dhe se kjo atyre u jepte besim që gjendja e tyre ekonomike, puna e tyre do vlerësohej gjithnjë e më shumë. Dhe kjo qe e vërtetë.

sali berisha

Sondazh

Poll