Politike

PL propozime për familjen, Meta në takimin me strukturat e LGI: Nuk luftohet shpopullimi me fjalë, por me vepra

Meta gjithashtu se do të bëjnë gjithçka për fuqizimin e grave, për mundësitë e arsimimit dhe kualifikimin të tyre, që të integrohen në mënyrë të drejtë dhe të kenë mundësi për vende pune të mirë paguara

9 Mars 2024, 20:05 Nga r.ll
PL propozime për familjen, Meta në takimin me strukturat e LGI: Nuk
ilir meta

TIRANË- Kreu i Partisë së Lirisë, Ilir Meta kazhvilluar pasditen e sotme një takim me strukturat e Lëvizjes së Gruas për Integrim,  Gjatë fjalës së tij në takim, Meta ka bërë batuta me gratë, ku u tha se shpopullimi luftohet me vepra, duke nënkuptuar lindjen e më shumë fëmijëve.

Salla shpërtheu në të qeshura, ndërsa Meta iu drejtua Ada Spirues, duke i thënë se beson që nuk do ta lërë me një fëmijë, por do të lindje dhe të tjerë. Meta gjithashtu se do të bëjnë gjithçka për fuqizimin e grave, për mundësitë e arsimimit dhe kualifikimin të tyre, që të integrohen në mënyrë të drejtë dhe të kenë mundësi për vende pune të mirë paguara

"Erisa na dha një shembull. Para 20 vite babai nuk ishte në favor të pjesëmarrjes së saj në politikë, ndërsa nëna ishte. Të duartrokasim nënën e Erisës, se imagjinoni mos ta kishin në Partinë e Lirisë. Erisa është një politikane aktive e suksesshme, por dhe një nënë e mrekullueshme e dy fëmijëve, siç është edhe Silva, siç është edhe Ada. Ada është nënë e një fëmije, por t’i s’do ta lësh me një se ne nuk e luftojmë shpopullimin me fjalë, por me vepra.

Gratë për hir të karrierës ndonjëherë nuk duhet të mos na ndihmojnë të luftojmë shpopullimin dhe ne t’i ndihmojmë me politika.Ne do të bëjmë gjithçka për fuqizimin e grave, për mundësitë e arsimimit dhe kualifikimin të tyre, që të integrohen në mënyrë të drejtë dhe të kenë mundësi për vende pune të mire paguara. Do të bëjmë çdo gjë për promovimin e modeleve të duhura", tha Meta.

PROPOZIMET E PARTISË SË LIRISË PËR FAMILJEN TË PREZANTUARA NGA KRYETARI META:

1. Nënat me 2 dhe më shumë fëmijë të diferencohen në taksimin mbi pagën dhe të ardhurat.

2. Të jepet paga e plotë, për një vit kalendarik, për lejet e lindjes.  

3. Të mbështeten me kredi, deri në 20,000 euro, me interesa të subvencionuara nga shteti, çiftet e   reja.

4.  Të mbështetjen me grante deri në 20.000 euro, sipërmarrësit e rinj, deri në moshën 25 vjeç, që krijojnë biznese sociale dhe start-up-e.

5. Të trefishohet bonusi i bebes.

6. Të krijohet ‘Shporta e bebes’, me ushqimet bazë dhe artikuj të higjienës, për të cilat të bëhet rimbursimi deri në 10% të TVSH sipas faturave të blerjes.

PROPOZIMET E PL-sË KUNDËR DHUNËS NDAJ GRAVE TË PREZANTUARA NGA KRYETARI META:

1. Shtimin e strehëzave dhe shtretërve në proporcion me numrin e raportuar të viktimave të dhunës.

2. Shtimin e numrit të koordinatorëve të dhunës për të bërë të mundur raportimin në kohë të rasteve të cilat duhen ndjekur.

3. Të mundësojmë mbështetje financiare në masën e pagës minimale deri në përfundim të efektit të urdhrit të mbrojtjes.

4. Integrimin e grave dhe vajzave të dhunuara në tregun e punës brenda 3 muajve nga përfundimi i efektit të urdhrit të mbrojtjes.

ilir meta

Sondazh

Poll

MË SHUMË